近年,台北嘅主題咖啡店比例可謂直逼日本,好多卡通人物忠粉每每踏足台北,都要去打一打卡,呃一呃Like!早前小妹都去咗我最鍾意嘅醜比頭主題咖啡店,影相影到天荒地老流連在摩天輪! 位於台北市大安區忠孝東路嘅「醜比頭的秘密花園」,係全球第一間以醜比頭為主題嘅Cafe,如果大家睇過《醜比頭圖鑑》,就會知道呢間Cafe係以呢本書為藍本,牆壁、枱櫈、餐具、食物... ...冇一處唔係呢班療愈系動植物小怪物嘅蹤影!點擊圖片放大 +3 今次小妹係同好閨密攜各人嘅媽媽、一行四人去朝聖,仲試咗好多嘢食!原本以為主題Cafe啲嘢食得個樣,點知都幾好味架! 「最愛草莓起司蛋糕鬆餅」($280台幣)超級好味,雖然士多啤梨有啲酸,但係勝在鬆餅熱辣香脆,連埋雪糕一齊食,冰火交融,簡直係味覺嘅享受! 「蒜香白酒蛤蜊麵」($280台幣)份量雖少,但白酒味香濃,蛤蜊(蜆)肉頗嫩。 「日式照燒雞翼」($290)就係照燒汁烤雞翼,外皮香甜微脆,非常惹味! 嘢飲方面,我哋兩個加兩個媽媽就分別嗌咗凍同熱嘅「屁桃最愛水蜜桃蘋果茶」、「屁桃香濃水蜜桃奶昔」同「無酒精粉紅特調」,每杯嘢飲上面都插住各款醜比頭圖案,認真Kawaii,小妹我珍藏咗唔少呀! 凍屁桃最愛水蜜桃蘋果茶 熱屁桃最愛水蜜桃蘋果茶 屁桃香濃水蜜桃奶昔 無酒精粉紅特調 大家仲可以攬住公仔食嘢呀 店名:醜比頭的秘密花園 電話:(02)2775-5161 地址:台北市大安區忠孝東路四段181巷40弄2號 營業時間:日至四 11:00~22:00、五至六 11:00~23:00 Blog:https://blog.ulifestyle.com.hk/blogger/shinysharon/ Facebook:https://www.facebook.com/hongkonggirl331