話說尖沙咀有一間專門食大阪燒、廣島燒同文字燒嘅專門店一直人潮湧湧，小妹次次去親都要等到天荒地老流連在摩天輪，所以好多時都放棄，依家終於開咗幾間分店疏導吓啲人，唔使等咁耐，小妹終於食到啦！點擊圖片放大 小妹對於黏笠笠嘅飯冇乜興趣，所以放棄咗文字燒，大阪燒又冇乜特別，反而覺得廣島燒比較討好，多菜，有啲豚肉同炒麵，所以就叫咗一個廣島燒（＄９８），小妹同朋友兩個人分享一個廣島燒，感覺都幾飽，所以＄９８一個真係好抵！由於呢度係自己整，所以你可以跟餐廳嘅專業指引整，亦可以憑感覺自己ＤＩＹ。小妹識食唔識整，就惟有叫店員示範，而店員亦好Ｎｉｃｅ，非常樂意效勞，呢點值得讚呀！ 以下菬嚟有店員親身示範完整嘅製作廣島燒過程，大家快啲參考吓學整喇！ 首先就係用粉漿整個底，要剩番粉漿備用，千祈唔好落晒。 然後放上乾海鮮餅、蔥等材料喺個粉漿上面。 再放上椰菜同豚肉，疊高。 之後淋上一層粉漿。 然後就係考大家臂力同智力嘅時間... …將成舊嘢反轉嚟燒，底變面。 反轉之後就塑好個形。 塑好個形之後就炒麵，記得要淋上店內秘製甜醬油。 炒完麵之後就將啲麵放上個燒上面。 之後就煎蛋餅。 煎好之後就放喺啲麵上面，一層一層咁，愈疊愈高。 再淋上醬汁同加啲沙律醬就大功告成喇，是未好簡單呢？大家可以試吓郁手自己做廣島燒架！ 除咗啲燒之外，大家仲可以燒吓肉（豬五花＄４８），食吓野菜蒸（＄４８）咁，有得玩，又有得食，價錢又唔貴，好值得大家試吓！ 豬五花＄４８ 點擊圖片放大 +2 野菜蒸（＄４８） 左：柚子蜜梳打（＄２０）右：巨峰活乳酸梳打（＄２５） 店名：道頓堀御好燒專門店 電話：23326030／23326036 地址：荃灣大壩街4-30號荃灣廣場3樓321-323號舖 營業時間：星期一至五12:00-23:00，星期六至日11:30-23:00 Blog：https://blog.ulifestyle.com.hk/blogger/shinysharon/ Facebook：https://www.facebook.com/hongkonggirl331
