細細個去遊樂場最鍾意玩瀡滑梯,嗰種由高處一滑而下嘅快感,帶畀童年嘅我無限快樂,雖然依家年紀大咗,好難去遊樂場同「豆釘」爭,但依舊童心未泯,對滑梯有一種情意結。但有冇諗過可以喺室內玩瀡滑梯?喺台北車站就有間Café可以畀你當遊樂場咁玩。 門口設計都非常華麗 樓高三層嘅奧羅茉OROMO Café,都係行文青、工業、歐美同Vintage路線,底層係售賣處,有幾張宮廷風梳化供外賣客人坐,非常古典華麗。一樓主打歐美同工業風,右邊以宮廷梳化同原木枱建構成卡位座,以英國米字旗布簾做每枱座位嘅間格,私隱度極高。左邊則以鐵件桌椅做主打,比較隨性自在,唔鍾意梳化櫈太腍質感嘅朋友可以揀呢邊嘅座位。 地下 一樓 二樓以文青風格為主,一室綠色植被同白色牆身結合,再採用自然採光嘅概念,非常環保,而最壯觀嘅係,呢度有一個Tiffany Blue嘅超長滑梯,大家可以飲飲吓咖啡走上去玩滑梯,小妹都上咗去重溫童年時光,超級好玩呀﹗而滑梯隔離仲有長長嘅木樓梯同書櫃牆,大家可以坐喺樓梯上面睇書,文青味甚濃,小妹我都喺上面Selfie咗勁多張相,扮吓文青咁 (係偽文青 ) ﹗ 二樓採用自然採光 超長滑梯好好玩呀﹗仲可以坐喺樓梯上睇書同飲嘢。 牆上一對翼都係Selfie位 而最抵錫嘅係,呢度仲特設一人私家座,畀一個人嘅「獨獨」享用一個人嘅時光,如果你係學生,仲可以喺度買番杯嘢飲溫書,感覺不知幾型,反正呢度都唔限時,鍾意坐幾耐都得啦﹗ 呢度提供一般輕食,如三文治、鬆餅等,小妹食完晏先嚟,所以同朋友剩係嗌咗嘢飲,朋友嗌咗黑糖拿鐵,而小妹嗌咗一杯蕎麥龍眼花茶,微甜中滲雜蕎麥香,熱住飲非常順喉暖胃,就咁坐一個下晝,非常寫意。 黑糖拿鐵 蕎麥龍眼花茶 店名:奧羅茉OROMO Café【台北車站店】 電話:886 2 2311 7070 地址:台灣台北市中正區南陽街26號 營業時間:一至五07:30–22:30,六至日08:00–22:30 Blog:https://blog.ulifestyle.com.hk/blogger/shinysharon/ Facebook:https://www.facebook.com/hongkonggirl331