最近元朗人似乎愈嚟愈注重健康飲食，好多主張有「營」嘅新食店都紛紛進駐呢個市區後花園，令元朗美食產生一股新氣象！小妹向來注重皮膚保養，任何可以駐顏之術都躍躍欲試（當然撇除整容），一直都知道素食可以排毒美顏，所以間唔時都會食「齋」清清腸胃，但有時食冇味「齋」都幾Dry，最近試咗兩間元朗新開小店，想介紹畀大家，等大家「齋戒排毒」一下！ #First Step Coffee 蕃茄大啡菇意粉（$55） 首先係位於元朗鳳攸北街嘅First Step Coffee，開咗唔夠一個月，雖然唔係打正旗號嘅素食店，但佢特設素食餐牌，以新鮮蔬果入饌，令顧客食得有「營」。蕃茄大啡菇意粉（$55）以自家調製嘅鮮番茄醬同芝士焗製，菇身多汁而唔乾，配合酸甜蕃茄醬，令菇味唔會太Dry，意粉落咗少少辣椒，微辣頗惹味！ 藜麥鮮果沙律（$50） 藜麥鮮果沙律（$50）雖然賣相唔多繽紛，但採用藜麥呢種高纖維而又飽肚嘅食材，相信會討唔少女士歡心，加上以酸酸甜甜嘅沙律醋調味，非常開胃！飲品方面都花咗少心思，招牌飲品「紫薇」（$50）係紫薯特飲，將新鮮紫薯打成沙冰，入口清爽唔甜膩，伴隨紫薯肉粒，飲落似足少甜蕃薯糖水！至於「菠蘿沙冰」（$45）更加係清新香甜，解渴消暑之選。 「紫薇」（$50） 「菠蘿沙冰」（$45） 由飲品到食物都係素食，罪惡感Bye Bye啦！ 試業期內只要Like Facebook專頁，會送甜品一客，是日冇馬卡龍，只有泡芙。 點擊圖片放大 +2 店名：First Step Coffee 地址：元朗鳳攸北街5號順豐大廈地下31號舖 營業時間：星期一 2pm-11pm；星期二至六 12pm-11pm；星期日11am-10pm #bless 另一間係喺香港、九龍開咗多間分店嘅冷壓果汁店bless，主打市區市場嘅佢入元朗開分店真係令小妹有啲驚訝，原因無他，元朗人都開始注重健康！小妹試咗「R30 SKIN ANGEL」，食材分別有菠蘿、雪梨、香檸，有補濕、淨化肝臟功效，有助美肌，飲落係初階級冷壓果汁，清甜易入口。 店舖特設冷壓果汁淨化療程，每日飲6大支加少量運動同斷食，即刻可以美肌減磅，過程分初、中、高階，高階果汁材料比較難入口同多深色元素蔬果，初試者會較難接受。（何謂冷壓果汁？可以參考小妹之前嘅一篇Blog：https://blog.ulifestyle.com.hk/blogger/shinysharon/2016/02/%e8%ad%98%e6%89%ae%e4%b8%80%e5%ae%9a%e4%bf%82%e6%89%ae%e4%b8%ad%e7%94%a2%e9%a3%b2%e5%86%b7%e5%a3%93%e6%9e%9c%e6%b1%81-catch-juicery/） 店名：bless 地址：元朗又新街7-25號15號地舖 Facebook：https://www.facebook.com/hongkonggirl331/ Instagram：http://www.imgrum.net/user/hongkonggirl331/2549505907
