十二月十三日.. 晴 1 至 9 度 今日都叫做行來行去.... 腳都跛... 早上去了上野吃早餐.. 本來放棄去高達展.. 點知係大黑屋搵到400yen(原價1300yen) 於是入去走一走.. 因為今次係以畫展形式.. 想表現對現今同埋"一年戰爭"既感想.. 所以大部份都係比較抽象.. 想你去反思.. 最想買既 1/144既限定模型.. 要予定.. (仲要俾多900yen for 急便 - 只限國內) 決定唔買.. 跟住便去o左秋葉原, 小弟今次想去買任天堂既game同埋字典機.. 由於好似加了價(任天堂o的game).. 放棄!! 字典機就買了一部做緊X'mas Promotion既.. 跟住係隔離機鋪有得開始打 Gundam 0079 Card Game.. 即刻同職員買了聯邦軍既Starter Pack (只限講買一盒) 當然轉過頭見第二位職員係度..再買埋自護軍... 價錢 - 1000yen 一盒 同埋玩呢隻game係有限定.. 只可以打四鋪..就要起身.. 300yen一局.. 500yen兩局.. 同香港玩wccf差不多.. 希望香港快o的有.. 不過日本都唔係度度有得玩.. 至於秋葉原其他野..玩具.. 香港仲平過佢地.. 大約四時左右就去了原宿... 幫朋友買野.. 但係一出火車.. 出面天已經黑晒.. 好似好夜o甘... 仲同埋開始好涼.. 但都好過香港.. (記住東京而家係 1 ～ 9 度) 本來約了朋友去吃飯.. 但佢又去o左見工.. 冇計.. 轉戰新宿... 情況係點.. 大家可以想像到.. 同係MK同CWB冇咩分別.. 到處都係操我國方言既朋友(香港,國內,台灣..) 行O左一陣.. 買了參考書.. 就回家了~~ 沒有什麼特別既一日.. 待續...
