點擊圖片放大 +8 呢間隱身係京都清水五条嘅 &HoeK,絕對係甜品控一定要去朝聖嘅寶藏 Cafe!小店氣氛勁 chill,而佢哋嘅甜品更加係賣相同實力兼備,每款都好有驚喜。招牌香焦糖蕉派:🍌🍌呢個絕對係全店嘅 MVP!最震撼嘅係上面嗰層厚厚嘅鮮奶油,打得非常輕盈雪白,入口即溶,完全唔膩。中間包住切得好厚實嘅香蕉片同香濃嘅焦糖醬,配合底部超級酥脆嘅派皮,一啖咬落去有齊脆、軟、滑三種口感,甜度平衡得啱啱好,令人食完一啖想再食第二啖。🤤🤤經典日式焦糖布丁:🍮布丁控嚟到一定會眼光發亮!布丁賣相好似一座小山丘,上面點綴咗鮮奶油。佢嘅口感屬於紮實得嚟又極之滑嫩個種,蛋香非常濃郁。最正嘅係底部的焦糖醬,帶有微苦,剛好中和返甜味,味道層次好高級。😍😍濃郁抹茶草莓烘焙蛋糕:🍰鍾意抹茶嘅朋友就唔好錯過呢款抹茶草莓 Cake。抹茶蛋糕體質地濕潤,帶有回甘嘅抹茶苦香,裡面鑲嵌住酸酸甜甜嘅草莓肉,配埋邊旁嘅鮮奶油同草莓醬,酸甜同苦甜喺口中交織,好睇又好食。😍食甜品當然要配杯好飲嘅飲料,除咗基本嘅冰拿鐵、冷萃紅茶之外,特別推薦佢哋嘅檸檬汽水,氣泡感十足帶點果酸,一路食甜品一路飲,瞬間清爽晒,可以繼續戰鬥下一款甜品。😂😂如果打算去京都清水寺或者五条附近散步,呢間 &HoeK 非常值得你專程過嚟 Chill 下,食個下午茶🍵,甜品水準極高,賣相相影出嚟又超有質感,無論係味道定係打卡度都係滿分,絕對係會想再訪嘅 Cafe!👍🏻👍🏻