星期日去和合石拜山後, 便趕去東港城台灣夜市街湊熱鬧; 可惜因為人太多, 美食券早已全部售罄, 而持美食券者亦需排隊等侯約三小時方可進入｡ 故無緣入內參觀, 只好在外看著人家品嚐美食! 於Taste閒逛一會, 便會合媽媽同舅父一起到西貢食海鮮, 今次也是選擇通記, 六人套餐($988) : 海鮮湯 : 唔錯, 有蝦油浮面, 足證蝦夠新鮮 粉絲蒜蓉蒸扇貝 : 蒸得過火, 有點韌 花彫蛋白蒸紅蟹 : 兩隻蟹, 有鮮味, 亦夠花彫味 椒鹽鮮魷 : 肉質唔會過硬, 炸漿夠薄, 吃到尾仍然脆口 芝士龍蝦伊麵底 : 龍蝦夠彈牙, 芝士味濃, 伊麵炸過才放底, 不會過淋 蒸虎班仔 : 火喉掌握得好, 魚肉僅熟離骨, 嫩滑帶鮮 蝦醬通菜 : 唔夠味, 若以椒絲腐乳炒應會更好 楊州炒飯 : 唔好食, 未能炒到明顯飯粒, 顯然未達標準 汽水六支, 西瓜哈密瓜果盤 有很多人都不清楚海鮮店的收費, 以致埋單時便有被人任劏任殺的感覺; 其實通記的餐牌已列明於其鋪前選購海鮮, 油料費是每人$68, 若自來海鮮則收$88一碟, 故選購的海鮮愈多, 便愈化算! 今天走了三個地方, 雖然疲倦但滿足, 若能參予台灣夜市街就更完美!
