5大雷品 伏味濃 未買的Sis們 要三思呀 要搵一件啱自己用嘅護膚品或者化妝品真係好難，為咗唔想中伏而不停做research，雖然有啲曬時間，不過都係值得嘅，慳錢之餘仲唔洗浪費。 1. LANEIGE 唇膜 佢嘅味道雖然好聞，甚至有種想食落肚嘅感覺，但係佢嘅保濕護唇嘅效果幾乎睇唔到，就算臨訓前搽一陣，到第二日起身先洗都係覺得好乾，唔值呢個價。 2. 日本盛田屋豆腐面膜 佢出嘅時候好多人都爭住去試，都見都有唔少好評，但用係我到就覺得好一般。難吸收之餘仲好難洗得乾淨，就咁用手洗係唔得架，要用買毛巾佢洗==好麻煩，所講嘅保濕美白效用，係一樣都feel唔到。 3. lululu面膜 (粉紅-保濕 & 白色-光澤透亮) 兩隻色都試過，不過兩隻都唔好用，其一少精華，其二好快乾，其三面膜嘅質地都好一般，唔貼服，感覺敷完好似無敷過。(如果真係要買，都唔好買大盒包裝或者7日裝，除非日日用，因為開咗之後覺得乾得好快，而且啲面膜重疊住，有啲難拎) 4. Kiss Me花漾美姬變妝圓舞曲轉轉睫毛膏(三段濃度可調節) 呢個牌子嘅睫毛膏相信好多人都用過，而且感覺都唔錯，但係呢隻轉轉睫毛膏有啲令人失望，同舊嘅產品差好遠，呢個係一搽上去幾秒就下垂返，搽完好似無搽咁，捲翹度有待改善。 5. RMK粉底液 又係因為被youtuber火推，最後自己都入手一支，質地比較薄，所以變咗遮瑕度唔夠，十分需要上多一層遮瑕膏。另外佢嘅持久度都唔掂，好快就浮粉，尤其T字位，有時唔想補返妝就直接檫走去算。 Tag： 韓國, LANEIGE, 唇膜, 日本盛田屋豆腐面膜, Kiss Me, 睫毛膏, RMK, 粉底液,
