小妹實在太懶了 更新下先 其實今年到呢刻為止(5月2日) 計埋1月頭番HK 果次我飛左4次台灣 等我得閒又share 少少先 如果坐廉航就無加飛機餐 但而加非廉航去台灣都好平！！ 離一離題先 近排hkexpress做$88優惠 好開心小妹成功買到同媽媽去韓國 連稅1人$664咋 應承左媽媽每年都起碼帶佢遊一次 今年不負所望 9月韓國yohooooo~ 好言歸正傳~ 今次係想同大家分享下飛機餐 因為 小妹是吃貨 對食呢 就鐘意研究下咁~ 1) 分享飛機餐 -> 水果餐 . 其實小妹去台中通常都搭華航 因為飛一個鐘鬆d就到～ 有時會寧願留肚去夜市食雞扒食腸仔 所以有時我會揀食水果餐 至愛菠蘿西瓜哈蜜瓜！ 同埋 4月呢次來回台中$8xx咋 抵到爛! 有25kg行李架啦~ 希望華航多d做promotion 2) 繼續分享飛機餐 -> 印度餐 話說小妹有鋪癮 新年2月果次搭港航 見到飛機餐有得揀印度餐 就一於試下 . 果陣我心諗：個空姐肯定覺得既然我唔係印度人, 好人好姐做乜點印度餐姐 ? 我都聽到後面個男人講話：哇前面有人食印度餐, 唔知有乜食呢 !? 其實我都係出於好奇想知有咩食先點~ 我唔係怪人 唔好歧視我啊啊啊～～～ 原來係有馬莎拉魚 Masala fish 同埋一舊唔知咩味既綠色餅 原諒小妹見識少 完全唔知咩黎 都唔識欣賞 好～難～食～
