化妝已經成為了我每天必做既事！ 養成良好肌膚，第一步當然係清潔啦！ 如果連清潔都做唔好用D再貴再好既化妝品都修飾唔到面上瑕疵！ 卸妝真係一件幾煩惱既事，由其選擇卸妝品， 如果大家都有睇過日本各大既保養書， 都唔建議大家使用卸妝油卸妝 因為卸妝油就好似強力清潔劑，邊個會用強力洗潔精洗面一樣 （但卸妝油真的十分方便，我真的不捨得它它它！哭） 所以我都四出找尋一支較適合自己既洗面＋卸妝好物！ 新年前，收到Lady Qooza 既郵件！ 原來係3支Bifesta全新卸妝系列 上網搵一搵佢既資料，原來佢係台灣都已經相當出名 更出左好多不同既功能既潔膚水（潔膚水應該是佢地品牌最大賣點） 等我一一為大家介紹下我今次試用既產品啦！ 話說呢，我係新年前去左袁小姐店內大買特買，哈！ 購入左好多野～包括了以下試用超自然假睫，勁靚！ 點擊圖片放大 遲下，再寫用後文俾大家！記得留意啦！ 化左一整日既妝，當然要乖乖地番屋企卸妝！ 當日差唔到成晚上2點先留到去～ 第2日仲要番工！卸妝要求既係快。靚。正！ 3支產品各有特式！ 眼妝特濃既日子，一定要用“高效眼部卸妝液”（HKD 48／145ML） 就算幾防水既睫毛液、眼線液、眼線膏、閃粉都難唔到佢！ 以水為基礎的眼部產品，配合水溶性及油溶性雙重卸妝配方， 徹底溶解化妝品於化妝棉上，重點卸除頑強眼妝，無需搓揉即完美卸妝， 避免眼部幼嫩的肌膚及睫毛因磨擦而受損，性質溫和，卸妝同時護膚。 仲含有維他命B﹠E 佢係市面上常見既水溶性及油溶性雙重卸妝配方 性質溫和，無香料、無人造色素、無防腐劑， 亦經過左皮膚過敏測試！大可放心使用 使用前搖勻，大約用5蚊銀既SIZE倒入化妝棉上！（眼部、唇部都安心使用） 輕按於眼上／唇上 左邊 只用輕按方式都已經印走左大量眼妝 右邊 係於眼上輕擦既防水睫毛液同埋膠水 仲未過水，但已經卸左7﹣8成既眼妝 真係相當快捷！仲有就算入眼都一點都無啦眼，無紅 相當安全！ （當日眼妝都幾濃下，哈哈） 眼妝OK後，仲有面上既粉底液同胭脂！ 出動全效保濕卸妝液（HKD59／220ML）！ 當中更含透明質酸，卸妝同時更能鎖水保濕！ 佢寫明可以濕手（邊沖涼邊卸妝都得XDDD） 佢質地屬GEL同油之間 過左水，摸上手膚質好細緻，好似FULL完MASK咁！ 但如果當日係濃妝，就要眼部卸妝液＋全效保濕卸妝液同時使用～ 洗得更乾淨！ 當日既妝已經完完全全K.O.得一乾二淨XDDDD 不過平時番工，只係用防曬同BB CREAM既話， 就推介，依支 速效卸妝潔膚水 ( 清爽型 )（HKD 59／300ML） 卸妝、潔膚、化妝水一個步驟完成！ 含保濕潔淨因子，能夠溫和並迅速地使毛孔深處的化妝品浮出表面， 徹底潔淨，而且集卸妝、潔膚、化妝水三合一，100%不含油份，用後無須過水， 只須一個步驟，卸妝從此變得簡單方便。全新系列均蘊含透明質酸， 滋潤鎖水，用後肌膚不會感覺黏膩或乾燥。 質地完全同平時用開既TONER一樣！ 潔力亦都幾強！不過防水既產品都不行！ 用後清爽！ 全系列都係日本製造！ 用後感： Bifesta卸妝系列價錢真係好平民，支支都不超過＄60， 特價時仲更加抵買，3支系列都完全無氣味，無酒精味！真係一讚！ 不過當中既成份只有日文，未能知入面有無一些不好成份（我都係個八掛既銷費者） 同埋好似只係見到生產日期，但唔見有使用限期， 真係要值得留意。 化妝雖然會令人變美美，但希望各位SIS少化為妙！ 太強力防水既產品都係對皮膚有傷害！ THANKS FOR WATCHING！XOXO
