繼上次的泰國妝品文章(【泰國】曼谷十大必買妝品用後感)後,這次來個日本藥妝的大公開! 八月尾的時候做足左功課先去日本,其實想買既係多好多,但日本物價(尤其東京)比想像中貴,所以就忍左手。以下買左8樣已經用左我13000yen了!(買起野上黎真係貴過韓國好多啊!!)以下同大家介紹下我既收獲啦(部分照片矇左少少請大家多多體諒),同埋部分有少少用後感,不過價錢就唔記得啦。 1. Simile cosmetic牙貼 呢款牙貼個功用呢係美白牙齒既,利申我只係用左一次唔係太清楚功效,不過同大家講講係點既。入面冇記錯係有六包,一包入面有2塊,上下排牙各貼一張啦,根據張說明書應該就係就好位後向內摺住咁,然後貼大概三分鐘就得啦!個貼係布質黎而唔係膠既~說明書入面講一星期一次,一個月多啲就會見到個效果(如果冇理解錯XD)。 2. Lover Liner 超推介!! 呢款眼線筆,睇YOUTUBE時已聽好多youtuber介紹話係超long lasting,小編係超級油眼,終於有得去日本當然狗衝去買!結果係真係無介紹錯!!!! 小編已用過各大小牌既眼線, kate, miss hana, maybelline, bobbi brown……Love liner真係持久過以上各牌的眼線!不過都冇人講到咁神,係會甩少少(始終係超級油眼)。加上筆尖係好幼,亦都好實色,好易control。個人認為係一定一定一定要買(好後悔只買了一支T^T) 3.太田胃散 有做功課話呢隻係超出名既胃藥,都可舒緩腸胃不適。不過仲未食過XD (購買藥物考慮番個人需要同醫生意見啊!) 4. Minon洗面粉 最近非常hit洗面粉啦,因為呢款酵素洗面粉清潔力好高,據說可以幫你清埋粉刺個類 但買個陣得番for乾性皮膚既,唔岩極油既小編,就只好送比男友啦~ 5. suisqi洗面粉 仲買左另一款洗面粉for自已用。用完自己覺得幾唔錯,包裝上寫住可以洗走毛孔污糟同埋角質,雖然我冇研究佢做唔做到,但係洗完feel到係比其他一般洗面乾淨,好似有去溶解細微既污糟咁。最正係咩,就係獨立包裝,唔洗驚一次倒多左分量,仲可以帶去旅行用。淨係呢點已經好加分! 6. 雪肌精mask 雪肌精呢款mask主要係保濕美白,呢個牌子一向幾出名於是買黎試下,但我記得真係唔平!同埋有少少失望係覺得酒精成分太高了,一fu上面覺得眼會有d "la",而且佢唔係好多精華個d mask,比較乾。fu完都唔覺得太特別太失望了整體。同埋建議敏感皮膚的就不要買囉! 7. maquillage唇膏 推介!! 我覺得都算係必買既日本妝品!雖然都係唔平,一開頭有啲卻步,但最後都係買黎試試!結論係非常潤!!而且顏色好靚!佢唔會搽一下就勁深色,淡淡的上左一層色好靚,如果鍾意明顯d既先再搽多層就可!我買的顏色係pk433,店員話係最熱門既色,就聽佢講買呢隻,係十分容易carry既色! 7. excel眉筆 仲未用,但係日本搵左好耐,好多藥妝店話買斷左!最後係loft搵到!想買佢係之前睇左kelvin老師(台灣美妝專家+研發1028)的文章中有推介!一支筆有齊眉筆、眉粉、眉刷,會否太正!未捨得用啊~~ 東京買藥妝小心得!! 1. 上野阿美橫町齊集左幾間主要既藥妝店,可以選擇係個到一次過買齊 2. 好多藥妝店擺貨方式都非常混亂,可以預先寫定一張清單問店員(部分店舖有操國語店員)或是請店員代為「執貨」,都有唔少貨品冇放出黎,特別係藥物係要問職員拎架! 3. 搵唔到心水妝品都唔驚,十分建議去loft睇下,小編覺得個到係勁多藥妝店冇既正野! 4. 如果你係免稅店買藥妝,佢會用一個特別既密實袋幫你入住,係離開日本前都唔可以開(開左個袋係冇可能痴番埋)!所以一心買完即刻試既話就唔好免稅啦~ 些雲 >Instagram: sharon.tamm >Email: sharontam0712@hotmail.com >Blogspot: sharontamxx.blogspot.hk >UBlog: https://blog.ulifestyle.com.hk/blogger/sharontam0712 >BeautyExchange:http://www.beautyexchange.com.hk/blog/%E4%BA%9B%E4%BA%91