去郊外玩又平又開心, 不過對於住港島又冇車仔既人士, 其實要夾好多野, 所以有時近近地會揀去室內PlayHouse俾Karsten放電。PlayHouse價錢一D都唔平, 百幾到二百一次, 不過一個價錢就玩足全日, 只要手帶還在, 中途可以出去食野, 俾小朋友小睡。相比起去冒險樂園就化算多, 而且又冇晒遊戲機既嘈雜聲, 只有小朋友既歡笑聲。 這次去的是去年8月開張位於尖沙咀iSquare的PlayHouse E Cube, PlayHouse E Cube除左Megabox, iSquare就係第2間, 佔地近8000呎, 雖然比Megabox冇咁大(參考請我), 不過交通就方便好多, iSquare地鐵直達。 一進去最吸引著目的一定是LED燈的T台, 俾人做小model, Karsten看到地下的LED走來走去, 只覺好玩。 有氣玩滑梯, 而且連接著大型繩網滑梯裝置, 有用氣射波的炮陣, 不D過波有點少…彈床, 一個小小的千秋, 攀石區, 很多不同3輪車, 豬仔車, 兒童屋, 一點廚房煮食的玩物 (這個較Megabox少)。 Party房有兩間, 地方算大, 一間以車為主題, 一間以熊熊公仔做主題, 男仔女仔小朋友都有合心意的主題房辦Party。 而最欣賞係佢另外分開BB Gym區, 帶住年紀較細既小朋友最怕就係大小朋友玩瘋了, 要撞到較細的朋友, 所以分開BB天地令家長放心不小。 而且尖沙咀這個提供很多長椅, 方便家長坐著等候小朋友。出面的鞋櫃亦很貼心, 特設較高的一層方面著長靴的媽媽放鞋。 比Megabox好的是有1部Ice Hockey機同手動足球機, 只要俾$50按金(會退回) 就可以任玩, 冒險樂園一局都成$10, 只要多玩數局已經回本了。 唯一敗筆是換片地方比較開揚, 就在入口處附近的柱旁, 沒有任何遮蔽物品, 雖然外面的人看不到, 不過幾乎在PlayHouse內的人都看到。 小朋友的世界很單純, 只要有玩就可以笑得很燦爛, 所以還是給他一個快樂童年吧! 點擊圖片放大 記得入會做會員($10)不過入場費會慳返, 非會員同會員價差十幾蚊, 做個精明消費者。 Play House E Cube Club @ i-SQUARE: 地址: 尖沙咀彌敦道63號 i-SQUARE,國際廣場5樓 501-502號舖 http://www.playhouse.com.hk/tsimshatsui/chinese/ https://www.facebook.com/playhousehongkong
