其實今次西藏既trip都有個小插曲令到我差D就連拉薩都去唔到。話說呢個行程係透過一個E字頭既大型網上機票酒店平台度買既。我同朋友2人搜尋到一個最平既航班， 就係下圖呢個，但只係剩低最後一個位。為左慳錢我地就決定分開坐，我就坐呢班而朋友個班就係重慶轉機，然後係拉薩集合。 ▼ 呢個係我既e ticket資料 ▼呢個係朋友既 直至check in既時候職員唔俾我既行李由廣州寄到拉薩但朋友個班就冇問題，我已經好奇怪，佢話因為唔同航空公司所以唔得。由於我本身都係航空公司做過，知道唔會因為唔同航空公司就唔得。最恐怖既係佢唔可以出埋成都去拉薩個程既登機證俾我，要我去到個邊再check in。但係我係成都只係有1小時15分鐘既時間，當時我嘗試去埋四川航空既櫃台（佢地係廣州機場只有一個訂位櫃台，唔係check in counter）佢都話冇辦法，只能到個邊轉機counter再check in。 無何奈何，為左加快速度，我就唔check in任何行李（好彩內地係呢方面冇咁嚴），再要求佢俾個前面靠路口既位，準備執行我既mission impossible！臨走時我同朋友講，如果我真係趕唔到你就先繼續行程吧。（好Sad） 就是咁，我成程機都懷住個好忐忑既心情然後當飛機一落地就即刻攞定行李紮晒馬，一開門就9秒9衝出去，幸運既係我班機早到左半個鐘，即係我有總共1小時45分鐘時間轉機。一離開飛機見到職員就立刻問四川航空可以係邊度check in。結果佢同我講呢道冇（廣州個個人又係呃我），要出番去再轉“電瓶車“去terminal 1。眼利既朋友可能都發現係e ticket個度都有寫到達成都係terminal 2然後起飛係terminal 1。呢個就係點解行李寄唔到登機證又出唔到既原因… ▼呢張相係我上左shuttle 影既 老實講，由落機到坐shuttle個個地方都有一定距離，雖然兩個terminal唔係好遠，但去到個邊仲要重新check in ，如果飛機唔係早到，係準時或遲到，我都好大機會趕唔到班機。 ▼機場其實幾新同大 ▼終於拎左登機證，絕對要留影一下 ▼如果有識台語既朋友應該知道“賽“等於某一種野XD 直至成功攞到登機證，然後仲有時間，心情先開始輕鬆番d。雖然我覺得E平台其實唔應該賣呢一個組合，如果行得慢d或搵唔到路就已經gg，但自己都有責任睇清楚d細節先好買，包括睇下terminal係咪唔一樣，同預多d時間轉機。如果唔係到時喊都無謂。希望大家唔會犯我同一個失誤。不過經歷過呢一個小插曲，係踏出飛機時既感動係言語無法形容的。 註：今次分享係想話俾大家上網買飛自已一定要睇清楚時間，terminal等等所有野，唔好指意晒個電腦簡既航班＝）咁就玩得開心～ …。…。…。…。…。 旅。攝。遊世界 Let's travel the world http://sharinetravelosophy.blogspot.hk/ https://www.instagram.com/worldtraveldreamer
