啱啱去完市集，就被我喺附近發掘到間新嘅日式餐廳，一於去試吓！點擊圖片放大 +10 呢度主打刺身丼同埋串燒，食物種類都幾多而且價錢唔貴，新張期間仲要免+1，一人一丼又可以免費添加酢飯吃到飽，唔怪得知新開張都已經有唔少捧場客！我哋叫咗兩個刺身丼，三文魚、海膽、玉子燒丼同三文魚、三文魚籽、玉子燒丼，睇相好似幾細碗，原來真身都OK大，三文魚亦都夠新鮮，甘香嘅海膽同埋鹹香嘅三文魚籽伴飯真係一絕㗎，最鍾意直接將豉油同埋Wasabi 撈落碗飯到，咁樣食特別鮮甜㗎，連平時唔係幾食飯嘅，幾乎爬晒成碗😋話說將肥美嘅肉肉包住清新嘅蔬菜，蔬菜仲可以吸收咗油分，肉肉食落冇咁肥膩，而蔬菜就多咗一份油香，呢個咁美妙嘅配搭就係豚肉蘆筍卷同埋肥牛蘆筍卷喇！肥牛上面仲淋上燒汁，味道更有層次感！燒三文魚頭夠晒香口，邊位又脆又香，魚鮫同埋面珠仔位置保持到滑溜口感，滿滿嘅炭火香真係勁吸引！燒油甘魚鮫同樣都係咁出色👍油甘魚一向以肥美油香聞名，呢條有返咁上下份量嘅油甘魚在炭火嘅沐浴洗禮下，油分都給逼出來了，魚身都泛着令人垂涎欲滴的油光！隔籬枱見到都忍唔住叫咗碟😂滿嘴的油花油香令人格外陶醉，又多肉，而且魚肉完全唔腥，好好味🤤寫着寫着又肚餓了😏
