唔食聖誕大餐點叫過聖誕節呀😎雖然夜晚無得出街食，但係下晝嘅聖誕大餐一樣咁精彩！仲平好多🤩點擊圖片放大 +2 呢度個Christmas and New Year’s celebration人頭收費$298 ，食物質素唔錯，走fine-dinning路線，而且服務好好，以呢個價錢來講非常抵！點擊圖片放大 先來的呢杯蘋果特飲幾好味，鍾意佢上面隻蝴蝶，碰杯🥂幾有feel丫！by the way，呢度啲bread 幾鬆軟，外層夠薄脆，有水準！ Starter 叫咗意大利粉杯配牛油溫泉蛋雞肉慕絲黑松露忌廉同埋慢煮龍蝦配釀櫻桃蘿蔔。溫泉蛋配雞肉慕絲完全係分子料理feel cross over日式親子feel，配搭新穎外型精美，雞肉慕絲和黑松露將平淡的溫泉蛋提升了層次，味道唔錯。至於爽口彈牙鮮甜龍蝦仲要慢煮淨係個做法都無得輸啦！配搭埋鹹香十足的三文魚子，成個深海喺晒度😋點擊圖片放大 +2 主菜就揀咗我至愛黑毛豬腹柳，旁邊伴以碎菌增加香氣，仲以紅車厘子果醬調果，酸酸地口感增加清新feel可以減低豬肉嘅油膩感，黑毛豬肉質亦都非常嫩滑，豬皮keep到非常香脆，層次感豐富！點擊圖片放大 +2 另一款主菜焗銀雪魚配馬來西亞咖喱醬亦十分有驚喜！皮脆肉嫩的銀雪魚，大大嚿啖啖肉，而且冇諗過原來同咖喱咁夾咁好食😋！不太有辛辣感的咖喱突顯銀雪魚的鮮味，再加埋爽脆的果蔬，好食到停唔到口呀！黃金焦糖蘋果金寶作為甜品真係最適合不過！勁鍾意蘋果同焦糖這個酸甜組合，識落唔會太甜啱啱好👍FAB Kitchen 地址： 荔枝角長沙灣道883號億利工業中心7樓704號舖
