又去食好味拉麵！自從上次食過 #鬼金棒 呢度多芫荽拉麵之後一直忘記唔到佢嘅香味😋今次就去埋銅鑼灣分店😁 依間拉麵店超多人食，好彩今日我哋好早嚟食，行慢半步都要喺門口等位😆點擊圖片放大 +2 鬼金棒店面嘅裝飾非常之有氣勢，鬼面和金棒擺滿整間舖頭，店內鼓聲氣勢磅礡，次次黎都覺得好有氣氛！呢度電腦點單，鍾意幾辣幾麻自己話事，仲可以走乜走物加乜加物，揀到啱心水為止都絕對冇問題😎點擊圖片放大 今日當然又係食咗我嘅最愛👉🏻莞荽辣麻味噌拉麵🍜口味方面揀咗小辣小麻走韭菜，仲加咗餸👉🏻味玉和豆芽菜，大碗到你唔信都係 $ 140.00🤩真係超抵食！我最鍾意將嗰座芫荽山溝埋芽菜之後，連埋掛滿湯汁嘅麵一齊食，爽脆嘅芽菜口感，濃郁嘅芫荽味，彈牙嘅麵條，三重享受一次在咀內過爆發🌋真係好食到進入忘我境界囉，只能不停一啖又一啖，直到碗底朝天！芫荽控🌿絕對不能錯過！點擊圖片放大 +3 隊友鍾意食叉燒，就揀咗增量叉燒辣麻味噌拉麵，無辣無麻，加餸👉🏻味玉和拉麵，超大碗都只係 $ 150.00。呢個增量叉燒非常之份量十足，有別於其他拉麵店嘅薄叉燒，呢個係厚切五花腩，質感啖啖肉，而且好大條，食完會勁滿足😋個湯底好濃郁，無麻辣一樣咁好食😋呢度個味玉都整得好好，調味夠而且蛋黃夠流心，好味😋📍鬼金棒地址: 銅鑼灣謝斐道530號地舖
