嚟緊就嚟聖誕節,好多化妝品都做緊套裝特價,所以就約埋閨蜜去咗The One入貨,買完護膚品好開心,順便喺The One搵間餐廳食晚餐,由於時間尚早,大約六點,所以就算無book位都有好多選擇,卒之去咗Odelice食西餐!點擊圖片放大 +3 #產地新鮮直送生蠔半打$218雖然生蠔細細隻,但係食落好新鮮好fresh,唔會太重海水味和金屬味,口感好清甜,完全唔加sauce都冇問題。加咗秘製醬汁又有另一番滋味,醬汁酸酸辣辣好開胃,將生蠔嘅鮮味帶去另一個層次。點擊圖片放大 #Odelice! 生牛肉他他 $145傳統牛肉加埋鯷魚、洋蔥、蒜頭、醃菜、芥辣放入製作而成,將牛肉攪拌蛋黃,再放上烤得很鬆脆的麵包多士上一齊食,辣辣地嘅牛肉食落好嫩滑,而且冇任何羶味,新鮮嘅牛肉食起來真係好鮮甜好好味😋點擊圖片放大 #橡果級伊利比亞黑毛豬柳 $228這款黑毛豬柳果然非一般,肉質帶香氣,食起來油花質感輕盈柔軟,口感好似食緊和牛般軟滑,切成薄片的豬柳邊邊帶焦香脆口,將味道提升到另一個層次!薯蓉好creamy,而且滿滿牛油香。點擊圖片放大 #卡邦尼意粉$118煙肉和溫泉蛋的組合真係令人百吃不厭,尤其鍾意將溫泉蛋刺穿,將溫泉蛋汁均勻地掛在意粉上一齊食,配合白酒忌廉汁,濃厚地隨着意粉放肆地在舌頭上打轉,隨着咀嚼還會將煙肉的香薰氣息釋放出來,好味到停唔到口😋Odelice! (The ONE)地址: 尖沙咀彌敦道100號The ONE4樓L407號舖