天氣涼咗咁多,一於去滾啦!正所謂唔滾唔知身體好,所以我今日就帶埋老公一齊去滾😆講緊打邊爐咋😂呢間火鍋店個名好搞笑,叫’去滾’,幾有gimmick😆舖頭名容易記。點擊圖片放大 我哋滾得好健康,今晚叫返個老少咸宜番茄豬骨薯仔湯底,裏面仲有幾舊豬骨咬下,鹹鹹地吸啜下骨水幾好味😋點擊圖片放大 推介必叫安格斯手切肥牛,超強雪花超強嫩口👍一放入口就好似sir滑梯咁sir左落喉嚨,只殘留一點點淡淡的牛油香味,好鬼正!點擊圖片放大 +3 超級聖子皇簡直甜到入心入肺呀!睇到咁大隻又咁厚肉,仲可以斬件真係第一次見😂食落唔洗講梗係鮮甜到飛起啦!記得灼10秒好啦!手剁牛肉餃有驚喜,一咬開全部都係牛肉,食起嚟仲要好彈牙,正喎!手打墨魚丸回彈力又係唔講得笑,好似裝咗air咁,仲有爽脆的墨魚咀,好滋味😋我like菇菇多過like菜,長生不老雜菌拼盤就啱心水了,有大隻冬菇,又有秀珍菇同埋從茸菇,用蕃茄湯底煮特別好食。叫咗杯雪耳南北杏飲,下火一流。飲落好清潤添。溫馨提示,六點前入座有機會有啤酒送㗎,仲唔快啲去滾😂💋去滾 A Smoking Affair💋地址:銅鑼灣登龍街1號金朝陽中心2期Midtown27樓