最近好鍾意行K11 ，鍾意呢度有好多唔同嘅藝術元素，每一度都好似係打卡位咁靚😍又多商店多食肆好好行！行到攰就搵間餐廳嚟嘆下，so chill！點擊圖片放大 +3 #幸運七式拼盤 $178這個七色拼盤集合了七款最受歡迎的小吃，當中包括阿閒泰秘製三式串燒，泰式單骨雞翼，泰式香煎肉餅，芒果牛油果海蝦米紙卷，脆炸薯條🍟百幾蚊就可以試晒咁多款，都幾抵食，同埋真係啱晒我呢啲樣樣都想試匀的花心小蘿蔔😆其中我好鍾意食煎肉餅，肉餅鹹香十足而且保持到肉汁，食嘅時候仲好鮮嫩多汁，好味😋 米紙卷都有驚喜，記得點埋中間嗰個辣汁一齊食，米紙卷充分吸收左辣汁真係勁香口，中間捲着嘅海蝦同埋菜，口感清新形成強烈對比😋點擊圖片放大 +2 #阿間泰手切豬腩肉豬肉丸船粉 $98第一次見到船粉個名咁得意就試吓，原來係泰國空運直送新鮮手造幼粉，口感煙煙韌韌好鬼正，吸收左呢個超濃郁湯底之後勁好食😋這一碗也用料十足，除咗本身碗麵好大碗，一碗頂兩碗之外，仲有好大舊豬腩肉，足足4塊咁多，而且塊塊都半吋厚，食起嚟軟綿綿，入口即溶，好味到震呀😋另外仲有好彈牙嘅豬肉丸同埋好多塊炸豬皮，仲有豬紅添，簡直係一碗豬嘅盛宴呀！點擊圖片放大 #泰式香葉肉碎飯 $ 128好鍾意食加咗荷包蛋嘅飯！最鍾意篤穿個蛋黃，將啲蛋汁混合埋飯一齊食超好食！而且這碟肉碎飯勁多肉碎，超正！加咗細粒豆角更加增添口感，而且辣辣地好惹味👍✨阿閒泰✨地址: 尖沙咀河內道18號K11購物藝術館2樓219號舖
