我好鍾意上來茶聊呢度，食物質素好但價錢唔貴，仲可以坐得舒服，又會有音樂聽下，傾計大聲少少都唔會驚隔離聽到尷尬😅 推介食呢度lunch set，有湯有tea有意粉或飯都係幾十蚊有交易，加上食物擺盤好靚，打卡一流！ #有機10穀飯配煙三文魚蕃茄忌廉汁呢度10穀飯煮得好好食😋原本穀飯偏向硬身，我麻麻地，但係呢度嘅穀飯似用咗risotto的煮法，直接將醬汁連飯一齊煮到淋同入晒味😋 所以食落口感煙韌，仲好香濃蕃茄味，超正喎！ #卡邦尼意粉配水煮蛋個意粉擺盤好靚呀！成幅畫咁😍好鍾意篤穿個水煮蛋將啲蛋汁撈落意粉嗰下，超治癒😌 而且creamy嘅蛋汁撈落意粉一齊食真係好味啲㗎！意粉質地夠挺身，食落有口感👍而且有好多煙肉碎，一齊食，更香口！ #有機藜麥牛油果蟹肉沙律跟黑醋汁大食的我們還多叫了一個沙律🥗第一次食咁好食嘅藜麥👍👍👍原來加咗牛油果🥑同蟹肉真係好好味😋即時將味道提升去另一個層次！沙律份量好足，又夠晒低碳低卡，下次淨係食呢個都夠晒飽，絕對係keep fit good Choice👍 #清香四季春茶如其名夠晒清香👍好鍾意佢加咗少少甜味，仲要熱飲都咁大杯，正！ #紫薯鮮奶香濃嘅紫薯味配幼滑嘅鮮奶！令人太不能抗拒了吧😆
