令人少女心爆發的一間餐廳！佈置得非常日式，一入門口已經被一棵大大的櫻花樹所吸引着目光！旁邊還設有高枱，可以在櫻花樹下望着窗外人來人往，令人有種逃離煩囂的悠然自得。 而我就選擇坐在羽毛樹下，傍晚之後還會閃閃發光，完全有燭光晚餐效果！令我倆小口子重拾了久違的拍拖feel😆 而且這裏價錢優惠，晚餐包餐飲又包餐湯，消費也不過是人均$150左右，絕對可以個個星期都來都唔會肉痛啊！ 當晚我哋叫咗英式全日早餐(單點)和意式蕃茄大蝦意粉(晚餐)和梳乎厘班戟~ 英式早餐$ 128 English Breakfast份量好足呀！睇見都開心🥳有齊烤豬肉香腸，雞蛋，烤番茄，碎蘑菇，煙三文魚，脆煙肉，炸薯餅，焗豆，多士或麵包及水果乳酪！ 我每次一見到有all day breakfast時就忍唔住要食㗎啦!我鍾意呢度款式夠多，每樣都大概係兩啖份量，咁樣就可以食多款啲😀個雞蛋炒得好滑，蘑菇亦都非常之香，塊薯餅炸到脆到好似薯片，樣樣都好好味呀🥳 意式蕃茄大蝦意粉Pasta with Prawn in Tomato Sauce $ 168我好鍾意食已經剝殼嘅大蝦🍤呢度個大蝦非常之爽甜，個蕃茄醬汁酸度啱啱好，同意粉真係好match！ 而且落咗好多醬汁，所以意粉食起嚟特別順滑，yummy❤️梳乎厘班戟Souffle Pancakes三隻唔同口味之中最後揀咗雜莓鮮忌廉Mix Berries！其實勁想試晒三隻味，因為朱古力味同楓糖味都好吸引，可惜我個肚仔容量有限，唯有下次再嚟試埋！ 呢度個Souffle Pancakes係即叫即整，製作時間需要大概30分鐘左右， 正好慢慢嘆杯咖啡再食。這個班cake真係好令人心心眼呀！足足有三大塊之外，仲有勁多柔軟又滑嘅鮮忌廉，加埋超多blueberries raspberries strawberries❤️Souffle質感真係軟綿綿㗎，食落好香好滑空氣感好重👍唔會太甜，再配埋忌廉一齊食真係好似雲同埋空氣嘅配搭啊😆下次一定要試埋嗰兩隻味😆Séan Café & Lounge網上訂座即賺里數 網址: https://s.openrice.com/QrbS0eLeA00~uo5cMAA地址: 銅鑼灣謝斐道535號Tower 535地下1號舖
