之前食過呢度啲沙嗲串串覺得好鬼好食😋尤其是呢度有款白鱔沙嗲串，其他地方好少有得食，得呢度先有嘅咋！所以我哋久唔久都會嚟呢度食飯幫襯嘆沙爹❤️ 今晚同老公撐枱腳，少少哋叫咗個炒飯同炒碟菜，再食埋個沙嗲白鱔，已經好夠飽😆 ▫️白鱔沙嗲串(3串)$98首先要介紹我嘅賣飛佛，呢度啲沙嗲夠晒花生味，香濃而順滑，然後個白鱔皮脆肉嫩，咬落去個皮仲會帶少少炭火香，然後咬落去仲會爆魚油，加埋個肉質燒到啱啱好， keep住個彈性，魚肉夠厚，而且啲細條嘅魚骨全部被清晒，一條細骨都冇㗎，食得好放心！呢個白鱔試過真係會上癮㗎🤤比起打邊爐嘅白鱔真係好食一百倍啊！ ▫️特色印尼炒飯$78唔知點解我真係好鍾意食印尼炒飯上面嗰塊蝦片🤣我仲會用來兜住個飯一齊食，笑死人！呢度個炒飯幾好食，夠晒味，甜醬油和蝦米🦐和炒飯真係好夾，而且我覺得店家非常細心地將辣椒紅椒和薑這些辛辣的元素堆在旁邊，照顧了我這種不吃辣的人，也讓喜歡吃辣的人可以自己加落去。旁邊還有兩串雞肉串做餸㗎。 ▫️石栗馬拉盞炒通菜$72呢個通才真係超推介！個馬拉盞夠晒嘢味，仲有少少蝦醬feel，又唔會太辣，啲菜吵到有夠嫩口，重點係夠晒大碟，簡直食菜都飽！ ▫️箭葉果混桔蜜$28第一次試這款混桔，我覺得一般，得個酸字，下次都係飲返芒果沙冰好啦🤣 最後仲有塊班蘭蛋糕做甜品，甜而不漏，蛋糕的質地還非常鬆軟，推介啊！
