今日打算去cwb行激安血拼,作戰之前梗係要醫咗肚先!近近地就去咗Vivienne Westwood Café,呢度就算lunch time都唔會太多人太迫,一來可以慢慢嘆,二來好想試吓嗰個雲朵朵法式多士! Vivienne Westwood Café呢度英式的decoration顯得格外有品味,有格調得來又不會太浮誇,整間Cafe分為幾個區域,當中的大鐘background,藝術館油畫background,絕對係打卡好地點!我都趁人少少周圍影咗幾張靚相添! 當日我和老公分別叫咗「雲朵朵法式多士」以及「煙肉太陽蛋Pancake 」來試! 🍳 「雲朵朵法式多士」賣相勁吸晴!蛋白製作到好像天上的雲一樣鬆鬆軟軟,超靚!😍吃起來鹹鹹地,蛋黃還是流心的,灑上少少蜜糖又別有一番滋味!沙律菜可以配煙三文魚一同吃,煙三文魚砌到成成朵玫瑰花🌹,令人有點不忍心吃!沙律菜配以黑醋和蜜糖,酸甜醒胃,蜜糖又可以中和黑醋的辛喉感,這樣的配搭原來也不錯呢!多士中間還有一層牛油,吃起來特別香,就算唔點蜜糖都好好食!點擊圖片放大 🥞「煙肉太陽蛋Pancake 」簡直是集合了我最鍾意吃的早餐元素!先來大大份的黑醋沙律菜醒醒胃,然後就可以開始食一層又一層的pancake啦!每一層的pancake中間都有一個驚喜,特色太陽蛋啦,煙肉啦,火腿片啦!充滿着英式情懷!我就好喜歡將煙肉或火腿夾在pancake上面一齊食,原來鹹pancake都好好食㗎🥰點擊圖片放大 無論食到幾飽,甜品都係必須㗎😍食埋呢款蛋白雪山配招牌窩夫真係超滿足呀!個窩夫靚到唔捨得食呀!咬落勁鬆脆!而蛋白雪山空氣感十足!食到落入邊仲有驚喜朱古力雪糕!而我最鍾意就係底部嘅焦糖脆脆,焦糖味十足夠晒脆口,餘韻仲有少少拖肥嘅煙韌!成件事真係好正啊!仲要$100都唔使真係抵食到震👏最後仲得返一啖焦糖味coffee,享受左一個舒適寫意嘅下午!