老公仔放假的日子，我們最喜歡的拍拖節目便是外出下午茶！ 喜歡享受著那假日悠閒自在的感覺！ 以前我們喜歡嘆一盅兩件， 現在轉了口味喜歡嘆西茶~ 今日試咗一間好有特色嘅下午茶， 每一個細節都看到店家的用心~ 就以我這個特餐為例， 一般特餐一份炒蛋加件厚多士算數， 我這份特餐，炒蛋不是一般炒蛋， 而是櫻花蝦炒蛋， 而且超足料！櫻花蝦多個蛋！ 食起嚟非常之重蝦乾味， 比起一般炒蛋層次感豐富好多而且好有鮮味，好吃到停不到口！ 而餐包提供嘅竟然係奶醬鬆脆牛角酥！ 仲要係多奶多醬的， 而且仲食到亂哄哄的温度， 酥脆的口感， 好味之餘更為這寒冬添一份暖意！ 這個特餐還會跟一份麵食， 是非常有特色的喇沙， 而且還是鴛鴦麵，由油麵和米粉組合而成的喇沙還是第一次食到， 夠新意而且又好味！ 加上有兩隻大蝦、魚片頭、豆卜等等材料，可謂用料十足， 幾十蚊就可以食到如此豐富的特餐實在是抵到爛！ 餐飲方面還可以加五蚊改紅豆冰！ 紅豆軟綿綿又夠甜好好味！ 後來我哋仲見到有非常特色嘅榛子西多士，係我最鍾意食嘅榛子醬！ 可能榛子醬始終貴過花生醬好多，所以出面比較少見呢種口味！ 超大塊西多士入面內層係超厚嘅榛子醬，夠曬多醬， 一啖咬落去有陣陣榛子香味， 就算唔加糖漿都夠曬甜！ 加埋楓糖醬又有另一番香甜感！ 好好味呀！
