鍾意打邊爐鍾意到一點嘅時候就會成精吧？！ 已經成咗精嘅我， 每次去打邊爐都會叫不同的美食！ 今日都唔例外，來到呢間喜鍋打邊爐當然要是這裏最出名的菜式吧？ 這裏地點非常就腳，就位於人流最多嘅旺角， 而且座位間隔寬敞都坐得好舒服。 由於我們6點已到， 當時人流唔係好多，大概七點就已經爆曬場！ 打邊爐打得多點都有少少熱氣嘅， 呢個時候嘆番杯自家製嘅甘蔗水就最fit㗎啦！ 呢度啲甘蔗水超足料，有齊甘筍、紅蘿蔔、甘蔗、南北杏同埋粟米！ 飲起來有好香嘅甘蔗味同埋粟米甜味， 而唔係好假嘅糖水味，都ok喎。 原來而家仲做緊promotion， 非常簡單地在facebook 分享短片就可以獲得小食一碟添！ 原來這裏最出名係海鮮鍋， 而且選用正宗豬骨湯底，可惜和不吃豬的我只能嘆句沒緣份吧？！ 不過可以試另一個都好有特色嘅紅酒牛肉牛尾鍋！ 成個鍋都只係百幾蚊，但係超足料，勁多牛尾！ 差不多成條牛尾都喺度！ 除咗紅酒炆過之外，還會即場加少少紅酒調味， 炆過嘅牛尾超好食，入口夠嫩滑，而且啖啖肉， 牛魔王如我表示滿意！ 加上個湯底勁濃郁， 簡直係濃郁版嘅羅宋湯一樣， 原來用非常之多嘅蔬菜餚出來㗎， 並唔係一般店採用茄膏可以比喻嘅味道， 用新鮮食材郁製始終鮮味更高！ 我們都即時先喝一碗才繼續加水打邊爐呢！ 加水打邊爐之前，要先食咗響鈴！ 呢度啲響玲全部自家鮮炸， 即叫即炸保證食到脆卜卜！ 而且廚師炸嘅功夫炸得好好， 一籃子的響鈴出來的時候好像金條般閃閃生光，卻沒有油淋淋的感覺！ 將響鈴放入湯輕輕拖一拖就可以食， 在炸到非常薄非常脆的響鈴上掛滿了濃郁的湯汁， 而且響鈴卷得好密，一咬落好似食千層薯片般， 應該話比薯片更薄更脆， 好食到我完全唔識形容！ 食響鈴超過無數次，即炸的都食過好多， 但係無一間有依度咁好食！ 宜家諗返起都流口水中！！！ 之後就可以加湯打邊爐喇！ 雖然食唔到海鮮喎，但係可以散叫海鮮，譬如呢一碟女人至愛的花膠！ 呢度啲花膠超大塊、超厚身，而且預先發好咗， 所以煮大概十五分鐘到已經可以食得！ 這樣的厚度，塞到我嘴巴滿滿是黏稠的口感，好有補充膠原的感覺呢！ 這裡的丸類也十分出色。我們試了手打蝦丸和黑椒牛根丸都覺得好好食！ 牛根丸黑胡椒味夠，帶點辣口剌激感，而牛根丸亦彈牙有勁，更食到多汁的感覺來，很不錯！ 而手打蝦丸非常之咁彈牙，肯定是不停地狂打猛打才有這般一咬好像想彈我上天的口感，加埋十分鮮的蝦味，攪到我好想叫多碟囉！ 難得地還有鴨紅食！ 滋補養血恩物呀！好啱我們女士們食架！而且血很新鮮，所以食落係甜架！加上Q彈的口感，成碟俾我自私食曬(≧∇≦)
