呢度一聽個店名就知以新鮮生蠔作招徠~ 門口的櫥窗上放滿了各式各樣的紅酒白酒，喜歡晚餐嘆番杯的不妨考慮下這裡~ 尤其是這裡價錢走親民路線，久不久有推介，就以今晚為例，我非常like的生蠔,正以非常吸引的價錢推廣中，198元不但有一打法國蠔，還附贈一支白酒，兩百蚊已經有蠔食有酒嘆！ 不過當然，如果唔係好鍾意飲酒都有果汁選擇~ 原本我就好想試下這裏的生蠔，不過我朋友不吃生，自己一個食一打始終有點兒多，唯有下次再來試吧 ！於是點了個小食拼盤，拼盤包括日本一口和牛粒，蒲燒鰻魚原條和韓國燒汁燒魷魚筒原條。 老實說這個小食拼盤一上枱我有點兒嚇呆了！ 因為是非常之大堆頭而且份量超多！ 那魷魚筒和鰻魚比我的手臂還要粗，！ 還有這對比一座山還要高的和牛一口牛也太令人興奮了吧！ 先講下這個魷魚筒，肉質肥美超彈牙， 又夠厚身 ，連魷魚鬚都有巴掌般大，咁巨型食起來特別過癮！而且燒汁配合得好出色。 呢度塊原條鰻魚真係比手臂還粗可能還拍得住小腿添其實， 老實講真係超誇張！ 鰻魚愛好者必定要食！ 雖然當然沒有去日本專食鰻魚嗰啲咁好食， 但魚肉肥美， 口感軟糯， 有種入口即溶嘅感覺又係另一番享受！ 呢款和牛一口牛肉味極濃， 而且食落非常juicy, 真係有種肉汁在口腔內爆出來的感覺！超正！ 完全顛覆咗一口牛俾我嘅感覺係乾爭爭同硬掘掘嘅概念！ 好食到一粒接一粒停唔到口！(≧∇≦) 後來我們又叫咗個pizza食，呢款黑松露牛肝菌薄餅我非常推介！ 店家對於芝士控的我非常體貼 ，滿足了加芝士嘅要求， 當見到中間那層彷如積雪般厚厚的芝士的時候， 我的心就像初雪遇見太陽般被融化了！ 滿滿嘅芝士香配黑松露真係無得頂， 簡直係perfect match！配埋牛肝菌， 菌上加菌， 加埋那種被芝士塞得滿口，嘴巴也張不開來的感覺， 瞬間有種幸福的感覺湧出來！ 另外我們還多點了一款海鮮，呢款係大貝殼配大青口好鮮甜！ 個人喜歡這種青口多個藍青口， 因為鍾意夠大隻，食落啖啖肉而且鮮味比藍青口還要多， 這裡處理青口做得幾好，食落去唔會韌而且食到鮮味一啲都唔會腥， 配上這個清湯味道還有帶點甜添！ 而且蜆肉都好大隻， 食得出係貴價蜆，一粒沙都無之餘仲好彈牙好夠肉地！兩款都好鮮甜好海洋呀！
