Happy friday 去clubing之前當然是先醫左肚先！加上最近入秋經常想食辣，但我其實不是很食得到辣(>﹏<)所以比起辣得瘋狂的川菜，我還是比較喜歡食泰國菜~ 就位於老蘭旁the plaza樓上已經有間不錯的泰國餐廳，clubing之前來食或者clubing揾到食想揾靜靜地又有點情調傾下計的都係一個不錯的選擇(≧∇≦) 我都幾鍾意呢度啲 decoration ，小小泰feel,暗暗地有小小mood都幾ok~ 有別於一般泰國餐廳，呢度還會好像法國餐廳般提供餐前小食！好有招呼呢！但又不是隨便給兩塊包，而是一籃子的蝦片和米通餅呢！切合泰國風情之餘還幾好食添！ 蝦餅和米通都好脆的，帶辣味的蝦餅好惹味，而厚米通則要點那火紅色的醬料，火紅色的醬料有點像xo醬般帶小小辣卻十分惹味，配雪白的米通格外誘人。餐廳內的碎蝦片聲此起彼落，好攪笑(≧∇≦) 說到食泰food,當然要嘆小食拼盤啦！可以一次過食到豬肉沙嗲，荷葉包雞，蝦餅和春卷等4款小食！小拼盤份量都唔細，二至4人食都夠呢！ 雖然我不食豬串燒，不過都試左沙嗲醬，雖然個沙嗲冰左啲，不過難掩其香濃花生香味，而且椰香十足，點荷葉包雞勁正喎！ 春卷是素的，所以我可以放心食！而且春卷好脆口，不用點任何醬料已經好好味~ 而外層酥脆內層彈牙十足又有蝦的鮮甜的炸蝦餅更加是必吃之選啦！ 除了小食，清新的沙律永遠是淑女們的餐點之選~這款軟殼蟹沙律成座山一樣有高聳入雲之感耶！由木瓜絲堆出來的山脈足足一隻手掌般高！ 清新的木瓜配以酸甜果味十足的醬汁，第一次食這種特色沙律，不但好有東南亞風味，還覺得好好味呀！連炸得鬆脆的軟殼蟹也頓時變成了配角呢！ 每次見到有粉絲焗蝦煲就會好想食！見到呢個粉絲煲如此盤滿缽滿的情況更加覺得叫得對呢！ 說好是粉絲焗蝦煲，究竟蝦在哪兒？從來寶物都是尋歸底吧？！(≧∇≦) 雪白的焗蝦原來都在煲底，還非常貼心地開邊了！食起來方便好多！而且堅新鮮，爽實的質感、鮮味的甜度令我不期然抬頭搜尋養蝦魚缸的蹤影！ 食材方面新鮮得沒話說！ 粉絲也烹調得很不錯！每一條都有醬油的香味，又不會太咸，質感也軟中帶煙韌，控制得恰好！令我們不由得將他們吃個煲底朝天呢！！
