一入門口就見到這個佛像， 果然是充滿泰國風情的一個地方！ 打開餐牌發現這裏的菜式款式選擇十分之多， 地道泰式的固然有， 連印度的款式都有，可算是集東南亞菜式。 而且想不到這裏有即製烤包， 可惜我走嘅時候搭電梯走嘅時候才見到海報有寫， 下次一定要嚟試埋！ 而且想不到這裏的價錢十分實惠， 如果不是吃特別的食材例如螃蟹的話， 一般豬牛羊雞大概都是幾十蚊消費， 算幾抵食！ 而且這裏地方幾大，卡位特多，又唔限時， 好適合一大班朋友來gathering！ 食泰國食品， 煎炸小食彷彿是必然要叫嘅 ， 否則彷如若有所失 。這款迷你小食蝦餅素春捲，賣相不錯， 而且切好曬四小份，方便開心share食。 個人幾鍾意這個炸素春卷， 唔知係咪好耐冇食過春捲嘅關係， 對這款特別有好感！ 而且個皮脆卜卜， 咬落好似食緊薯片咁， 薄薄一層唔會太厚，脆得嚟唔會太硬！ 而且雖然中間選用吸油的素菜， 卻不會有油淋淋的情況， 更加沒有油膩感， 處理得非常出色！ 本來我對串燒冇乜興趣 ， 不過見到呢款串燒雞全翼每串只需18蚊！！！ 平成咁點可以唔支持下？！ 估唔到價錢實惠，但係一啲都冇將貨就價， 竟然係大大隻雞全翼， 而且燒到金黃色，聞起來已經香噴噴， 識起呢個皮仲有少少脆添！ 一咬落去啲肉汁仲會“必“出嚟非常juicy!! 越式牛尾煲是比較估佢唔到嘅一個煲，點解？因為估唔到越式會變左生炒骨個汁一樣味囉！當堂想叫個白飯來送下！ 雖然無諗過會生炒骨咁嘅汁出現左，不過又幾好味喎，當中除了酸甜之外還有好多三色椒，帶來些小辣辣地開會好誇的味道，多左個層次出來！而且牛尾燜到夠曬淋夠曬入味，輕輕一咬，連筋帶肉咬左出來，有肉香之餘亦有黏黏地的膠原口感，超正！ 泰式粉絲雜菜煲超足料亦有驚喜，眼見已經有十款蔬菜例如椰菜芥蘭紅蘿蔔黑木耳等等等等等。。。青青地食下菜有時都幾好丫~ 泰食中我最鍾意就係食金邊粉，好鍾意佢多料炒出來，見到有泰式蛋包金邊粉伴蝦當然立刻order啦！ 外型來說超吸睛，又蛋做的網上面放了蝦球！美美的！可惜食落個蛋有點老了，一點也不好食，而金邊粉亦有部分無浸開，炒完變左夾雜了幾條橡筋落去咁，雖然味道其實ok,但不禁有點失望。 還好總體來說其實是好食嘅，而且叫到成枱都係，咁多嘢食都係400蚊到，我都好收貨嘅！btw,下次堅要試埋烤包囉！
