咁大個女第一次食到人頭咁大嘅漢堡包， 一定要分享下！ 呢度呢間食晚餐鬼死咁抵食， 人頭咁大個漢堡包講緊都係128蚊， 或者好似我個朋友咁叫咗個龍蝦意大利飯， 成隻龍蝦原隻上，爽口彈牙鬼死咁好食，講緊都是98蚊就有交易！ 而且主食還可以加68蚊變餐， 轉成晚餐之後就會包埋精選沙律、是日餐湯 、一杯飲品和一客小甜品~ 是日餐廳好特別， 是平常比較少飲到嘅甘筍湯， 非常健康之選， 我好似感覺飲到淡淡維他命c一樣，有青翠的蔬菜味道。 沙律份量不算多，不過勝在有兩塊非常之好味嘅水蜜桃~ 餐飲方面我最後選擇了熱朱古力， 朱古力味非常香濃而且夠曬甜， 令到我覺得好似食緊液體朱古力一樣好味！ 除了主食我們也叫了一些appetizer， 例如有這款藍青口煮白酒忌廉汁~ 藍青口一貫作風就是比較細隻，跟中國青口比起來屬迷你型。 不過肉質就會覺淋身所以非常之索醬汁， 尤其是這裏的醬汁煮得比較濃調， 除了有忌廉的軟滑之外還透出陣陣芝士香！ 因為在不知道漢堡包會有薯條附送的情況下， 愛吃薯條的我叫了一個芝士粗薯條嚟食！ 48元超大分超多芝士超多煙肉！ 薯條又夠曬粗夠曬脆口， 而中間仍保留到軟心的口感，堅好食！ 然後個安格斯漢堡包一上枱我當堂 O 咗咀, 因為老實說沒有想過這個漢堡包的份量可以如此誇張！ 拳頭咁大嘅漢堡包我都週不時食到， 人頭咁大塊漢堡包真係未食過！ 在漢堡包還要烘焙到外脆內軟， 咬個邊的時候好似食緊薯片咁發出卡滋卡滋聲架！ 有咁大塊包自然有咁大塊漢堡， 以為會見到塊芝士已經融化在那塊熱辣辣漢堡上！ 大家唔好以為塊芝士偷工減料包唔曬買漢堡， 實情是塊漢堡真係太大塊，一塊正常的芝士是無可能蓋得住！ 當我連肉帶包切開嚟食嘅時候， 底層嗰塊麵包又係脆卜卜的， 完全是我最喜歡吃的類型呢！ 見到塊漢堡面頭那些獨特的十字坑紋，就知會食到陣陣grill香啦！ 非常難得地完全唔會覺得肉質乾爭爭， 漢堡中間還keep到肉質粉嫩, 食起來除咗非常之滿滿的牛肉香味之外還覺得好juicy！ 加少少黃芥末更惹味架！ 最後還會有個焦糖慕絲， 啡黃色加上這個外型實在有點搞笑！ 不過食落係好香焦糖味，甜甜哋又軟滑都幾好食㗎~
