閒時我都會和男朋友去酒樓吃晚餐， 因為男朋友鍾意食中菜， 我又鍾意食蒸魚， 每當我一想起想食魚的時候， 我多數會去酒樓食！ 自己在家煮實在太麻煩了， 而且而家啲酒樓全部蒸條斑仔通常都有特惠價錢， 有時分分鐘同自己煮成本差唔多呢！ 剛巧今日來觀塘 某工廠大廈的開倉掃平貨， 財散人安樂之後 ， 又突然想食魚了 ，一於揾間酒樓醫肚！ 呢度都有啲晚飯套餐都幾抵食， 其中四人的龍蝦套餐就最抵！ 不過我們得兩個口， 幾抵都冇用！ 個晚飯孖寶餐都唔錯， 有我鍾意食嘅魚！ 晚飯孖寶每份268包括有清蒸海斑仔一條和醬油金蒜脆皮雞半隻。加多個小菜就fit 曬！ 醬油金蒜脆皮雞 皮脆肉嫩， 在炸得脆薄的雞皮下完全零脂肪， 雞肉嫩口的質感和如薯片般鬆脆的皮形成強烈的對比; 醬油濃度調得剛剛好， 夠未得來不會太鹹。 小菜當然要配飯啦， 不過這裏的飯略嫌細碗了一點， 就是女士們的胃口也未必能滿足到！ 男士恐怕要吃三碗吧？ 清蒸海斑仔 比預期中大條， 大概就是剛好一斤半的重量吧！ 我就最鍾意食大概一斤多的蒸魚， 因為如果魚太大條就容易蒸到鞋口， 太細條則無肉食， 所以識食一定是食一斤多的！ 果然斑仔肉質嫩滑中帶彈性，啖啖魚肉配蔥油真是夠滋味！ 菜脯蔥花肉碎煎蛋， 但是由於我是不吃豬肉的 ， 所以就叫了走肉碎。 非常值得一讚的是這裏的部長在點菜單上一共寫了三次走肉碎，走肉碎，走肉碎。 果然是重要的事要說三次！(笑) 蛋角煎得剛剛好， 兩邊有焦香但是蛋食起來卻不會老~ 中間夾了蔥香和鹹鹹地夾爽口的菜脯， 簡直送三碗飯都得呀！ 食完晚飯，還有我最愛的紅豆沙殿後，超正！
