Day 8 一朝早起身又去local tour集合點，今日要去梳芬山淘金鎮。 早期中國好多人為左想博發達，或者胡里胡塗比人賣豬仔去做金礦工人。其中一個熱門地點係美國舊金山，咁有舊金山，一定有新金山啦！ 原來新金山就係澳洲維多利亞省一帶。呢度以前都係出產好多金嘅地方。淘金鎮呢個主題公園位於嘅梳芬山 (sovereign hill) 就係昔日金礦原址之一。為左紀念淘金熱呢段歷史，維多利亞省政府特登恢復左其中一個小金礦，作為公園比當地學生學習，後來變埋做遊客熱門景點。 公園入面盡量模仿返當時實際情況。馬車、商店同工作人員全部以維多利亞式風格衣著示人。 郵車 以前金礦辦公室 馬 打金工場，定時有溶金表演睇 除左金礦，仲有淘金河。所謂淘金就係拎個盤西下西下，睇下搵唔搵到金沙。 遊客可以免費玩，淘到金可以拎走做紀念。 真係淘到呀！！！ 真係大風小小都吹走 金可以免費拎走。 但你冇野安置佢丫嘛，所以要買個樽仔，AUD1 有得落真實礦井睇遺址 衛兵表演。但唔好諗住係白金漢宮果隻好莊嚴嘅表演，佢地係純搞笑！ 小學雞一人租套衫係度玩 呢一日去完淘金返到CBD仲係好早，於是就去左Skydeck 88。其實係咩呢? 即係好似香港個天際100咁樣，係一棟好高嘅大廈入面開放其中一層比人上去睇下景，做制高點。不過其實我都冇去過天際100。 入場費都唔平，成AUD18一個人。不過遊客係咁，一場黎到如果樣樣嫌貴就咩都睇唔到玩唔到，所以雖然覺得有啲貴都照上。 特登揀呢個鐘數上去睇，就係為左可以睇天未黑、日落同夜景嘅分別。 點擊圖片放大 其實咁樣睇，墨爾本個景係靚嘅！
