沿著南岸海邊一路行，沿途都係為88年世博會而建的展覽品 日式廟宇 附有簡介 假熱帶雨林XD 個佈局睇得出花過心思，好靚，係入面散步感覺好舒服好放鬆 其實會去南岸公園，好大程度係想睇下佢個人造沙灘。當年起嘅時候比當地居民鬧到趴係到，話同當地城市面貌完全唔夾、浪費金錢。不過世博完左之後，唔知點解又冇拆到，決定留返係到比人玩。 未去之前都知係好細，係冇諗過原來真係細 到 咁 ！ 不過佢個環境好好，而且啲沙係好幼好細好舒服。 去每個地方旅行，我都好鐘意盡量夾時間去行下當地市集。因為我覺得好得意好好玩，仲可以順便了解到當地文化。簡單如果個地方嘅物價啦、當地人平時食咩多啦，通通都可以透過市集得知。 但係南岸公園呢個所謂lifestyle market真係失望到我呢.... 佢其實唔係我心目中歐洲果種market，而係類似香港廟街果種賣下紀念品嘅市集。
