☀ 47th BLOG ☀ 由上個禮拜日收到更表開始. 就知道今個禮拜會好攰-_- 點知. 結果係唔止攰. 簡直係就泥透支咁濟 = =" 到底我既更表係點呢.. 俾大家睇下:: Monday: Day Off Tuesday: 10:30-22:30& 新女仔 Wednesday: Day Off Thursday: 10:30-22:30 & 新女仔 Friday: 14:00-23:00 & 同事 Saturday: Off Sunday: 13:30-22:00 & 同事 驟眼睇落去係咪好好呢? 有3日Day Off喎! 仲有2日唔係我開店喎! 少年.你太年輕了! :( 首先. 星期1同星期3. 根本得自己一個番工冇分別 -_- 因為係同新人一齊番; 雖然佢係新人. 但基本野.真係好基本好基本既野佢都識既; 只係... 佢英文實在唔太好. 成日聽唔到D客講咩. 通常都係搵勁忙既我去聽; 咁我都明英文差佢都唔想. 我英文又未話到超好咁樣. 我都唔怪佢; 另外.佢又唔認得D錢. 收錢果陣成日都問我咁樣岩唔岩-0- 咁都算.佢泥左英國只係2個幾禮拜; 重點係. 佢一見到好多人排隊. 就會勁驚勁亂.收錢比平時仲岩; 咁新人係咁樣... 我都理解既; 所以我成日同佢講. 一多人既話你當佢地透明. 做完一樣先一樣; 但無奈到真係多人果陣佢都係會亂-_- 我都知要時間.. 但咁樣種種加起上泥. 就同得我自己一個番工冇分別:O 另外. 近泥天氣又熱左DD. 舖頭又冇咩空氣流通. 呢度又唔興冷氣風扇. 英國而家雖然係夏天. 但佢地既夏天係好舒服架. 唔會好似係香港咁熱到要開冷氣出汗咁. 所以佢地好多屋都冇冷氣.得暖氣:) 繼續講番我番工. 除左同新人番工之外. 其實今個禮拜番工. 每次都係我負責關店 :'( 關店對我泥講冇問題.好容易. 但望住同事走.. 自己又冇得走.. 就會好傷心:'( 我地間店好得意架. 例如我禮拜日既班係13:30-22:00. 我同事既班就係10:30-21:00. 不過其實我地星期日關店既時間係21:30. 即係有半個鐘你係得自己一個人. 咁你可能會問21:30-22:00呢? 呢半個鐘.就係俾你洗野. 唔洗緊張.佢計錢係計到22:00既:) 如果冇堆人係你關店前既最後1秒衝入泥買野既話. 半個鐘係夠晒有突架啦! ;) 今個禮拜得番聽日要捱.. 呵呵!好開心! 不過星期日係好多好多人的-_- 諗D正面D既野先 :) 終於踏入六月份啦!! 6月尾同朋友去丹麥HAHA 近排好有衝動想學剪片. 大家有冇想我拍咩片呢? 我會收集大家既意見. 可以既話拍晒所有大家想睇既片都Ok架; 該忘的日子好多 更怕自己太灑脫 有些事沒說你卻也從沒記得過 剩下的愛請收走 BY 郭靜-該忘的日子
