☀ 43rd BLOG ☀ 上個星期三. 終於係我最後一個工作天啦; 於是乎 上星期4. 就即刻頂著我個核核突突既布丁頭. 去左尖沙咀FaceColor染頭髮; 開頭諗到好多色都好想染. 近泥興既亞麻灰亞麻綠霧感色等等. 但無奈我就泥去英國. 又驚果度染髮貴.又唔知邊度染得好. 所以最後都想揀隻甩左色都無咁明顯既色泥染; 而有堆人就建議我染blueblack; 去到染髮店. 佢問我想染咩色. 我話染blueblack. 佢俾左幾隻我睇. 但我一直睇唔岩心水; 一係就太過藍.一係就太過黑. 最後佢話不如將太藍同太黑果隻溝埋一齊咪得囉; 我心諗咦.又得喎.咁咪唔洗揀?! 哈哈~經過3個多小時. 總算染完啦XD 俾大家睇睇我個頭髮先; p.s.我係成個頭都染晒架.冇挑染; 無咩陽光下的blueblack頭:: 有陽光下的blueblack頭:: 哈哈~ 冇陽光既頭係咪好似黑色頭髮呢xd 我都覺:'( 洗完頭更加覺; 話說琴日同朋友們去佐敦谷野餐. 朋友們都話冇陽光就好似黑色. 但有陽光就明顯有藍色同少少墨綠色; 其實呢隻blueblack我冇預佢會keep得耐. 只係想甩左色之後冇布甸頭咁樣衰 >< 大家想既話都可以試下染我呢隻色xd p.s.呢間FaceColor只提供染髮服務. 有網址可供大家網上預約:: http://www.facecolor.hk/ 離出發既日子越泥越近. 我同朋友既farewell聚會亦都遂一開始啦; 其實我既交友圈子唔大. 只有4大班朋友. 但其實1班已經有4-5個人haha 咁樣算大唔大呢? 見人見智啦; 琴日第1班朋友既聚會已經完左. 果班係同我一齊讀HD既. 算係最暸解我最明白我既一班朋友; 係一班知道我既真實性格. 仍然好愛我接受奇怪既我既一班好朋友<3 我地琴日除左去佐敦谷野餐之外. 仲即興左去apm Neway唱K; 因為我地book. 所以可以唱4個鐘. 仲每人包2杯野飲. 都係每人$99加一. 即係每人$109炸; 好抵!!!!!!!! 大家可以係諗唔到有咩節目果陣去下XD 今日都有聚會. 但呢班朋友係我既舊舊同事. 唔係Office果班.係之前做既其中1份part-time既同事; 又要講下故事啦; 其實.最熟既. 唔應該係我同佢地. 而係我家姐同佢地haha 因為呢份part-time係我家姐做過. 佢介紹我入去做既; 但唔知點解. 到左而家. 竟然變左我同佢地最熟. 反而家姐同佢地冇咁熟; 第一可能家姐同佢地既時間難夾啦; 第二可能佢地鐘意落bar去飲酒. 同我一樣. 次次聚會一定會有酒既存在XD 而我家姐係好抗拒飲酒XD 所以就變左而家既局面; 因為佢地係我果陣果份part-time既呀姐. 當然.同期做而識既男同事都有啦xd 同佢地出去諗野會忽然間成熟左. 講既話題都會唔同左好多. 所以同佢地出去有唔同既體驗;) 期待等陣同佢地既dinner. 係老蘭oh XD 所以可能到星期4先再打blog XD 岩岩同呀C line. 我地傾開朋友同我地farewell. 佢誇張到今個禮拜得番1日係屋企食飯. 而我就好佢少少既;) 我起碼暫時都有2日可以留係屋企食飯XD 好啦; 暫時打到呢度先; 因為差唔多每日行程爆滿既關係. 我要係空閒既時間執下我既行李; 仲有執下我令令既CV XD 星期4再同大家分享下我呢幾日既聚會;) 只要相信夢 定能飛 高與低 得與失 即使無法躲避 你是你本身的傳加 憑著你志氣會成大器 天公不造美 幾經風浪 也是你 BY 方皓文-你是你本身的傳奇
