☀ 42nd BLOG ☀ 又隔左成個幾月先又再打blog啦; 呢個幾月. 可以話忙. 亦都可以話唔忙; 因為我係1月中果陣. 臨急臨忙聽媽媽話. 報左名考IELTS; 由於之前冇筆預算係for IELTS. 冇啦啦俾左筆錢去考. 所以咩考前課程都冇報. 自己膽粗粗咁借晒所有IELTS番泥溫番泥讀. 仲要揀左出發去英國既前2日去考; 好緊張好緊張呀!!! 而考IELTS既原因. 係想睇下有冇機會係英國workingholiday既時間. 同時賺錢係英國讀書; 錢我唔怕賺唔到. IELTS我亦都唔會話冇咩信心考唔到. 只係驚人地學校唔收我:( 想人地收我之前. 梗係要IELTS既成績考得好d先啦; 所以呢. 近排放工或者放假既時候. 就會狂背vocab; 雖然成日都背到訓左覺. 半夜1-2點先起身沖涼. 但vocab都記到唔少架; 另外. 係公司方面. 近排都同緊唔同既人食緊farewell飯; 老細之前同我輸賭欠我一餐飯. 直到上個月. 我唔怕羞咁提醒佢hahaha 而上星期. 佢終於請左我啦xd 順便當farewell飯; 仲有!!!! 上星期2. 公司呀姐無啦啦係office既whatsapp group. 同我地講下星期一.即係聽日. 我地公司春茗:O:O:O:O!!!! 好突然呀!!!!! 我一睇到即刻同女同事講. 同佢研究點解會咁早春茗同咁突然:O 女同事就話係老細想就我. 想係我走之前搞左去; 我心諗我冇咁大影響力呀:O?! 之後. 老細請我食飯果陣. 同呀姐傾開春茗. 就無啦啦同我講. 本身我地春茗諗住2月尾先搞架. 為左你先提前架炸:D 我當堂窒左窒.話::下?!真架?! 我老細好認真咁答::咁梗係啦.唔係做咩咁突然^_^ 果下我唔知講咩好. 唯有答::咁好 ^_^? 多謝^_^ 之後同開倉既男人傾. 佢就話覺得老細唔會為左1個人而提前. 我都覺. 所以我就答.. 佢咁講我咪咁聽囉^^ 好啦; 過左休息既時間. 我又係時間要回到IELTS既懷抱. 繼續去努力操題目努力溫書啦; 泥緊既星期三就LastDay. 到時再打blog; 或者分享下我買咩散水餅. 食左咩farewell飯. 點樣俾d英文同IELTS淹死我hahaXD 我一路向北 離開有你的季節 你說你好累 已無法再愛上誰 風在山路吹 過往的畫面全都是我不對 細數慚愧 我傷你幾回 BY 周杰倫-一路向北
