☀ 41st BLOG ☀ 其實買機票果d野都唔重要. 係申請英國workingholiday簽證中. 最重要既係. TB Test.Passport.佢批俾你既visa; 之前整TB Test. Renew BNO.買機票.Book airbnb等等. 都冇咁緊張. 泥到最後.亦都係最重要既一步. 就係::遞form申請visa. 呢度開始我先緊張 :S 其實申請visa好簡單. 上網打"英國工作假期 申請簽證". 大把台灣/香港blog教你; 睇唔明都唔緊要. 網上申請visa好簡單. 照住佢d步驟. 咩都如實講晒出泥就Ok. 加上佢係你填資料之前. 有得俾你簡Help Language. 簡番自己熟悉既語言就得; 係填form其間. 最煩既一part其實係.. "過去十年既旅遊記錄". 呢part. 我都冇咁勁可以記得晒10年內去過邊度. 亦冇咁好記性邊年邊月去過邊度. 所以我只係寫左有印蓋係香港passport上既旅行記錄; 雖然我唔係用香港passport申請. 而係用BNO申請. 但萬一唔填既話. 佢問我拎HK Passport睇咁點算?! 預防萬一. 咁當然寫埋好d啦; 仲有一個位都要提提. 佢會問你係自己一個去定有人同你去. 雖然我係同呀C去. 但唔知點解簡有人同你去. 佢會收你雙倍價錢!!!!!!! 係雙倍價錢!!!!!! 所以為左慳錢. 我同呀C都簡左自己一個去. 還掂佢都唔會跟蹤你係咪真係自己1個去hahahaha 無謂無啦啦要俾多舊錢啦; 仲有仲有. 有一個位佢會問你. 除左用泥申請visa果本. 你仲有冇一本passport; 咁我梗係寫有啦; 之後佢會叫你填番呢本passport既資料. 即係passport no. 果d啦. 佢會叫你填埋批passport既地點. 即係Authority. 本身我同呀C都諗住打晒入境處既英文全寫. 但無奈唔夠位. 所以我地就打左簡稱"HKIMMD" ; 填form填到最後. 佢會收兩次錢. 第一次錢係俾健康稅.即係IHS. 佢會問你留UK留幾耐. 我填左2年. 就算唔填2年.你諗住留2年. 第2年你都係要俾番錢. 所以佢收左我2年錢.共$3,030. 之後緊接住. 就係俾Visa錢. 連續咁俾錢.感覺冇晒d錢咁 :'( Visa錢.我俾左$2,323. 其實聽呀C講. 佢個friend申請果陣仲貴. 可能因為英鎊跌左. 所以我地算平架啦; 俾晒錢之後. 佢就會send封email俾你. 叫你print出泥. 帶埋相關文件. 就可以去遞form申請啦; 相關文件方面. 我係參考一篇blog. 叫 " 枯葉之地 "; 有人話要埋一份要評分表既野. 但我就冇交到啦; 我地果日係18/12/2016(日)夜晚上網整. book左21/12/2016(三) 9:00a.m.去VFS遞form. 我仲好記得果日係冬至. 去到銅鑼灣無啦啦落勁大雨. 同呀C等過馬路果陣. 有個外國型男自己都冇傘. 但周圍yo人要人地遮我地. 不過冇人show佢. 但好多謝佢既好意<3 去到VFS果度. 佢唔會提你要交咩. 只會好公式化咁叫你拎你要交既野出泥. 唔要既野會俾番你. 之後整一大堆野. 會叫你簽名.對下d資料岩唔岩. 會收左你用泥申請既passport同TB Test正本. 最後俾番張barcode貼紙同收據你. 唔好dum左去呀!!! 去拎番passport果陣要俾番佢!!!! 總之佢俾咩你都唔好dum啦; 之後就會叫你入去影相印指模. 成個過程好快. 好似用左差唔多15minutes就搞掂haha; 果日幫我整visa既女人. 就冇同我講幾時會send email俾我叫我拎番. 只係叫我留意番之後有d係紅色假期; 但幫呀C整果個就話預最快1月3先開始整. 因為佢地要send我地d野去英國果邊; 本來我都預1月1x號先有得拎架啦. 點知. 係1月4既1點幾. 係公司無聊咁check email既時候. 無啦啦見到有封email. 叫我去VFS拎番本passport :O:O:O:O 果下真係嚇親. 仲以為自己睇錯添 :O! 有d人話會收到2封email. 有d人話收得1封. 而我就係收得1封果邊; 睇到之後. 即刻同呀姐請左1月5既上半日假去拎; 1月5日. 一入到去. 類似reception既女人就會問你係咪拎passport. 之後佢會指你去左手邊. 去到window仔果度. 同佢講拎passport. 佢會叫你拎番個barcode俾佢. 之後就會俾個類似速遞袋你. 入面就係裝住你本passport.TB Test正本同申請成功既信; 我係果度迫不及待開埋先走. 本passport有頁會痴左張紙. 張紙有你個樣同其他資料. 佢會幫你痴張barcode係本passport後面. 而申請成功果封信我未詳細睇. 但望過下好似係要帶埋過去英國. 所以要好好保存; 遲下有時間睇清楚再同大家share :) btw. VFS果度冇分食唔食飯時間. 因為我係12點幾去到拎. 只要你係佢辦公時間. 星期一至五. 8:00-15:00內去就Ok; 收到本passport之後. 成個人感覺上唔同晒. 終於有要去英國workingholiday既感覺啦!!!! 諗番起之前第1次同呀C見面時. 我地果陣既不安感.好似無從入手既感覺. 而家全部一掃而空:D 由而家開始. 要好好準備我地既workingholidy啦yeah!!!! 岩岩到食lunch時間. 英國版既Sherlock出左新一集啦; 好開心呀<3<3<3 係時候去睇先xd 求讓我 這輩子 知道到底我是誰 而後見 這晚禱 可有默許 但女子 的一生 務必抵得過心碎 霧裡戀 終須飄去就過去 BY 衛詩 - 星月下的祈禱
