☀ 36th BLOG ☀ 原來2個幾禮拜冇打BLOG啦; 上個禮拜因為懶. 而上上個禮拜就因為同朋友去踩單車. 由馬鞍山踩去大埔. 踩左成半日.攰死... 不過好開心. 感覺好爽好舒服.正xd $70踩半日.算唔錯架啦; 本身我地5個人. 果個人話每個$80. 有個fd就好正. 出聲話不如平d$70啦. 我地5個人喎. hahaha~ 跟住佢就話好啦好啦. $70就$70啦! 好yeah~ 平得一蚊係一蚊嘛 :p 我地踩下停下. 就由11:30踩到5:00. 果日天氣好舒服. 又唔會太過熱. 最後係大埔墟火車站還車. 還完之後. 我地就一行人去左m記食雪糕. 真係爽yy ;) 因為我約左另1個朋友打邊爐. 所以就走先; 因為果位朋友話好耐冇打邊爐. 加上佢好鐘意係吉野家打. 所以我地就去左吉野家吹水+打邊爐啦; 食完後. 我朋友話想買Crabtree既handcream. 但又用唔晒咁多支. 想同我share. 所以我地就去左Crabtree買野; 咁岩我家姐係Crabtree有member card. 所以可以以會員價買xd 我地係Crabtree間舖度逗留左好耐. 終於揀到個聖誕set裝. 不過唔記得影低 -v- 我地每人6支. 我揀左咩味我就唔記得啦. 不過我而家就用緊Rose Water. 可能我對玫瑰味冇咩特別既好感啦. 又或者因為我媽媽每日都用緊Evelyn Rose. 兩隻味其實差唔多. 不過Rose Water聞上去清d. 所以Rose Water陣味我麻麻地 -v- 整體泥講. Crabtree&Evelyn呢個牌子. 因為佢係英國牌子. 加上佢既形象我幾ok. 所以我都好鐘意用呢隻牌子架 <3 其實呢篇blog. 我分開左兩日打架; 上半part. 我係公司太得閒無野好做. 所以就靜雞雞係度打. 不過後泥有野做.冇咁忙. ..... 就係因為咁樣. 所以就分開左2日泥打; 如果呢篇你睇得唔係咁舒服既話. 有d怪怪地. 係因為我唔係好記得上次打果陣我想打d咩haha 請見諒><!! 講番公司. 距離我辭職既日子越泥越近. 我本來做開既工作亦逐漸俾晒其他同事做. 所以某d時候. 我都算係最得閒無野做既一個. 又唔係完全無野做既. 只係做d雜務.唔太重要既野; 唔知因為我本身係忙碌命. 定我既性格係要不停咁做野唔停得落泥. 定習慣左好忙好忙. 而家停落泥唔忙. 反而好唔習慣好唔自在.... 不過令我有更多時間留意其他同事做緊咩. 叫係八卦?! :O 應該係我性格問題. 一見到有人拖慢泥做野. 例如可以係4個鐘完成既事. 佢可以拖全日泥完成. 我就會覺得好嬲好嬲. 覺得佢係想偷懶唔想做咁多野; 係人都唔想做咁多野. 我都明.有時我都會咁諗. 但...個人認為咁樣好狗好不負責任. 就好似新同事咁; 所以佢入泥冇耐. 我就已經好唔鐘意佢.對佢好嚴. 佢都知.feel到. 所以冇咩必要佢都唔會同我講野. 仲好囉hahahaha~ I like it :p 不過耐左我都冇咩感覺. 因為諗諗下. 你偷懶係你蝕底. 與我無關 ;) 你唔想學多d野. 亦都與我無關. 所以我做咩要嬲...? :p 好啦. 講到呢度. 要食dinner. 等陣有機會再打多一篇;=) p.s. 韓國之旅既blog未完架. 只係有好多相係相機. 不過usb唔見左. 所以upload唔到上泥住 :'( 等我!!!!! 係upload上泥之前. 我就打住其他野同你地分享啦 ;) 也許愛的方法 就是學習疼痛時才打開的窗 原來曾經我們都深深地愛過對方 只是當時不懂 愛要更慷慨地去接納 BY 楊丞琳 - 相愛的方法
