☀ 34TH BLOG ☀ ** 本人現已由韓國回來1個月多. 本文只是記錄回當時的情形 ;) ** 繼上篇既初到韓國仁川機場篇. 呢篇就打我去住宿既過程啦; 因為我呢次旅程. 主要係買野散心為主. 所以唔想浪費咁多錢係機票同住宿上面; 個人認為. 只要間房住得人.衛生Ok就得架啦. 至於令唔令. 就無咩所謂既; 之前同朋友去台灣. 住過2晚青年旅舍. 不過係12個人1間房果種. 我同我個朋友訓下隔床. 仲要一齊孖舖 xd 不過感覺還算良好. 所以對青年旅舍感覺唔差; 故此. 一諗起要book韓國既住宿. 就當然以平為主既青年旅舍啦; 但又要近買野既地方. 因為拎住一袋二袋. 如果住宿遠既話咪拎死 -_-;; 東揀西揀之後. 就揀左一間位於明洞附近. 屬於南山既青年旅舍. 名為:: 24 Guesthouse Namsan, Seoul ; 其實24 Guesthouse係一個集團泥. 係韓國唔同地方都有24 Guesthouse既青年旅舍; 我住6晚. 揀左間連廁所沖涼既房.仲提供埋早餐. (p.s.早餐係麵包同蛋.有提供果JAM俾你自己搽. 而蛋亦有爐俾你自己煎or炒;亦有咖啡etc.既基本野) 總共$1527.04, 連稅!!! 已經算平啦; 不過book完住宿之後. 我都用左唔少時間去搵去住宿既路線; 因為.. 我上網search. 點search都只係search到去高級24Guesthouse既路線. 冇人講過去我住果間既路線 :( 最後. 去到出發前既幾日既某1個深夜. 終於俾我搵到啦; 其實係高級24Guesthouse附近. 係明洞既南山出口.唔記得係咪5,6出口. 搭電梯.一上去轉左. 就見到有分左同右既斜路. 行右邊既斜路.一直行一直行. 就會見到架啦; 佢就係斜路盡頭果個位; 咁樣睇好似好易. 但當日我行果陣. 都要靠GoogleMap. 同埋自己search番泥既資料先去到; 到左之後. 就俾Reception睇我print定出泥既入住confirm email; 佢check左check.問我睇passport. 就帶我上去我住既地方; 佢同我介紹可以搭lift. 超過11p.m.番既時候. 因為正門會鎖左. 所以可以用後門入.佢會同你講password; 另外. 垃圾筒唔會有人每日幫你清. 要自己綁實.擺係房門出面. 每朝就有清潔姐姐幫你收. 而膠袋就可以係reception自己拎; 係喎!!! 早餐食完.要自己洗番碗碟架;) 佢同我講解完所有野之後. (當然用英文啦haha) 就同我講我間房係4樓. 叫我搭lift上去; 哈哈!! lift門好cutecute呀; 有24Guesthouse既標誌 - 兔仔 <3 望到兔仔. 就忽然間好想念屋企既兔仔<3 咦! 到4樓啦; 一開lift門.就會見到呢個指示. 想行錯路都幾難haha 而我間房就係No.403. 所以行右邊; 呢個就係條走廊啦; 好得意呀. 俾到我一種好輕鬆好開心既感覺 :) 我有同佢合照架. 不過...害羞:$ 唔擺上泥啦 :$ 條走廊都幾好闊. 一個人執邊推住唿完全唔係問題!! 另外. 黃色係呢個24Guesthouse既主色調. 但望落去完住唔燦眼. 仲好舒服tim :) 終於到我間房啦; 大大個牌掛係門出面. 盲既都睇到 xd 仲有個門鐘係間房出面. 不過我冇試過work唔work haha~ 用鎖匙開門. 入到間房. 冇想像中咁窄. 亦冇想像中咁大. 不過6晚以泥. 我都訓得好舒服.一覺訓天光;) 等我介紹下啦; 一入到去. 就見到張算大既單人床. 擺得令令既被同枕頭; (請無視我亂擺既袋同雜物 -v-) 個唿一開頭唔知擺係邊. 但橫擺岩岩好可以zip到入到床與牆既縫隙之間. VERY GOOD !!! 唯一美中不足既係.. 差電既地方得一個.仲要係床尾. 因為差wifi蛋既線唔夠長. 唯有擺係唿上面差 -v- 岩岩張相執邊係咪見到有磨沙玻璃呢? 冇錯啦. 就係廁所啦; 開頭我都有諗. 張床同廁所咁近. 雖然廁所有門可以關. 但如果去完大解(好核突添 @@). 咁咪會聞到好臭?! 但經我實驗過. 係完全冇呢個問題架. 因為可以開抽氣扇. 所以去完廁所坐番係床都完全冇味; 廁所入面都會有垃圾筒俾你. 女仔明架啦;) 方便好多架嘛! 至於凍熱水方面. 都算易調較 good! 而床既對面就係咁樣樣啦; 通常每1晚番到泥. 我就會利用呢個小空地. 攤大個唿泥執野; 開頭唔識用冷氣機. 諗緊點解開左制都唔著. 研究左好耐.最後落左去問reception. 哈哈! 佢同我講"Insert the key". 再加埋指手畫腳. 我先明.原來要插開門既鎖匙入去. 個冷氣先會著既hahaha 我好白痴呀 XD 大家見唔見到有個雪櫃仔呢? 放心.入面係唔會有免費野飲. 又或者要你俾錢先飲得既野飲架. 即係入面係空既; 不過個雪櫃都幾凍下. 有時我都會買幾個香蕉奶士多啤梨奶番泥. 然後雪入雪櫃等一陣飲. 又或者當早餐野飲咁飲架; 我試過啦. 支裝野飲都擺得落架 ;) 至於電視機. 佢每一個台都係講韓文.我都聽唔明. 不過我都會開住佢 ;) 雖然得我一個人. 但費時d水彈出泥. 所以都會關住門沖涼. 不過會怕架嘛. 所以都會開電視較到最大聲. 等沖完涼臨訓前先會熄左去~ 有時無野做都會望一兩眼既 haha 好啦; 我既住宿篇終於介紹完啦; 總括泥講. 呢間住宿我覺得值得推薦俾大家. 除左差電位唔方便同要行小小斜路之外. 其實已經算好好; 因為佢真係好近明洞架; 係旅舍出泥. 只要行10分鐘都唔洗. 去番另一個出口.就會直接到明洞既主街啦; 而住宿附近行大概5分鐘. 就會有3間便利店係附近. 一間GS25係要向上行. 另外2間係要去番近地鐵出口果度; 岩岩提及過. 地鐵站出口一出. 就會有左右兩條斜路. 右邊去住宿果度. 而左邊行幾分鐘. 就會有一間TwoTwoChicken <3 有一晚我就係買左呢個. 拎番去旅舍食 :P 好好味!!! 附近仲有一間m記. 係最後一晚我有去左食; 雖然唔係m記既粉絲. 但唔知點解. 我硬係覺得每去一個地方. 點都要有一餐食當地既m記先得!!!! 飲食篇衣服篇就留番下禮拜先再打啦. 呢篇打到泥呢度 :) 都愛過 可能你只是我的一個觀眾 被一個兩個三個角色帶走 要什麼時候 才能放輕鬆 才能不要寂寞 才能真的快樂 才懂 ? BY 楊丞琳 - 觀眾
