☀ 33TH BLOG ☀ 趁今日得閒. 同埋趁記憶仲算新 就打多一篇啦 :) 準備去英國workingholiday既人. 或是去緊/去過既人都知. 係申請英國Tier5簽證之前. 一定要做左TB Test先; 因為. 申請visa既所需文件之一. 就係TB Test既結果啦; 而TB Test有效期為半年. 預番係自己出發既半年前去做就Ok架啦; 之前. 同我1齊出發同住既女仔. 我簡稱佢為"C"啦 ;) C 係無耐前新識左2個女仔. 都係去英國workingholiday. 但遲我地一個禮拜到; 所以我地就開左group. 約埋1齊做TB Test同做visa. 仲有約去到英國果度1齊租屋住; 同佢地約左岩岩過左去既禮拜三一齊去做TB Test. 所以一早就同公司請左全日假; 果日一大朝早就起左身. 因為本身得中銀acount. 媽媽話係香港開個匯豐account. 係果邊開英國匯豐account. 同埋做其他野或者可能會方便d. 佢又岩既. 所以就去左匯豐開account; 去到匯豐. 同佢講話想開account. 佢就幫我禁左張飛叫我等. 原來要入房同匯豐既人傾:O 等4張飛. 結果等左半個鐘. 連幫我開account既小姐都話. 我今日等得算快.冇咩人排隊. 咁梗係啦.果日雨落到咁鬼死大:O 半個鐘後.終於到我啦; 佢問我開普通戶口定綜合理財戶口. 我問佢有咩分別. 佢話普通戶口淨係可以存港幣. 但其他咩都做唔到. 最低存款係港幣$5000; 而綜合理財戶口係做到好多野. 例如存港幣.外幣.網上理財. 仲有好多.不過我唔記得左. 但最低存款都係港幣$5000; 跟住媽媽話揀綜合理財好d. 咁就揀左綜合理財啦; 簽下名.佢同我講解番d細節內容. 就帶我去櫃位存埋果$5000入account. 就走得啦; 走果陣12:15p.m. 1:30要去到MK會合佢地. 時間岩岩好haha! 開頭約係雅蘭中心lunch. 但太大雨.我地為左方便. 就改左係朗豪坊lunch; 呵呵.我第1個到xd 過多一陣. C 同埋另外兩個女仔都到左啦yeah! 我地搵左間餐廳坐低. 一路傾計一路食野; 雖然我冇咩點出聲. 都係聽佢地講野多. 但佢地好好傾好好人呀:$ 食食下睇電話. 下:O 紅雨啦! 食完之後. 一齊行去地鐵再去TB Test果度; 其中一個女仔因為身體唔舒服. 所以約第2日做 :( TAKE CARE AR :( 而我地3個就經地鐵果度行去做TB Test果個出口; 其實做TB Test既地方總共有5個. 全部都係要係佢指定既診所同地方做. 每一度都需要book既; 而我地就book左旺角既卓健醫療. 因為果個唔需要揀時間段. 只係話係上午定下午; 係網上book左之後. 過左一陣就會有人打俾你. confirm番你個booking. 佢會send段sms俾你提你要帶咩. 同埋果度既詳細地址; 我地book果度. 就係惠豐中心既8樓; 去到之後. 同佢講book左. 之後佢會問你拎用泥申請既passport同身份證. 佢會收左個passport. 身份證俾番你. 之後會俾兩份野你; 一份係填番基本資料. 一份係你需要知既野. 就咁睇就得架啦; 基本資料果度. 有個位要提下. 佢有問你簽證類別. 就咁填Tier 5就可以了; 另外有個位比較特別. 就係國籍啦; 我地3個個國籍都係寫中國香港. 3個都係用BNO泥申請. 但唔知點解得我. 交表果陣. 果個人同我講. 你國籍寫BNO先岩喎. 跟住就刪左我寫既中國香港. 寫左做BNO; 我唔知咁樣岩唔岩. 不過佢都幫我刪左囉; 安全起見. 大家都係寫番中國香港啦. 如果你個國籍真係中國香港既話haha; 交完表之後. 佢會俾番本passport你; 我地坐左一陣. 就俾護士陸續叫入房; 入到房. 佢會叫你睇電腦mon. 對番你既個人資料passport no.岩唔岩; 唔岩我唔知會點haha; 對完岩之後. 佢會叫你入房換衫. 褲同鞋唔洗除. 上身衫頸鍊都要除.Bra都要. 頭髮要夾起或者紥起. 冇帶夾或橡筋唔緊要. 間房入面會有個夾係度俾你用; 整完之後. 你既野可以暫時擺係房; 行番出去. 佢會帶你入房照肺. 唔洗5秒鐘搞掂hahaha; 搞掂之後. 入番房換番衫. 佢會叫你係出面等; 等5分鐘度. 就會叫你入房見醫生; 醫生會問你d問題. 又係有冇懷孕呀呢幾個月有冇發燒呀etc. 全部話冇之後. 佢就會話Ok. 俾一大堆野你.連埋你照肺果張片. 叫你成堆拎去reception度; 俾完櫃台之後. 佢會整一陣野. 就會叫你俾錢; 果陣我俾左EPS. 收左$900... 咁就冇左$900啦 :'( 之後佢俾番張收據我. 同我講多數會星期5前會收到sms. 叫我去拎番份報告; 收到SMS後就可以隨時去拎. 唔洗再上網book. 張收據會寫住佢地既OfficeHour; 由於星期5打8號風球. 所以我仲未收到sms. 應該會下星期就收到啦. 到時再同大家分享下:) 如果你個肺有咩問題既話. 佢地會再打電話俾你叫你上去再照. 好似要俾多$300; 點解我會知呢... 係因為我熟識既1個人就係咁; 希望佢大步跨過會冇事啦!! 不過後泥聽講. 好多人都話去親呢間野. 好多人都會話有問題:O 所以去唔去呢間就你地自己選擇啦; 其他4間既網址同book既程序. 你地上網打相關既字就會搵到一大堆blog講. 所以我唔多講; 整完所有野之後.. 大概半個鐘至一個鐘. 因為已經黑雨. 所以我地都番屋企lu :) 以上就係我去整TB TEST既過程啦; 而家睇緊明珠台既格林雙俠haha 所以呢篇就到呢度為止; 下星期再繼續我篇韓國之旅(補) ;) So it's gonna be forever Or it's gonna go down in flames You can tell me when it's over If the high was worth the pain BY Taylor Swift - Blank Space
