☀ 32TH BLOG ☀ ** 本人現已由韓國回來1個月多. 本文只是記錄回當時的情形 ;) ** 8.30. 當地既中午時間. 大概係12點幾左右. 飛機就到左韓國既仁川機場啦!!! 係機上面. 空姐有每人派張入境卡俾我地填. 我填完就zip左係擺雜誌果個位. 落左機行左幾步. 先記得自己冇拎入境卡落機:O!!!! 之後好樣衰咁行番轉頭. 本身空姐諗住幫我拎. 但唔知我擺係邊. 所以就俾我上機自己拎番; 好在我發現得早:O!!!!! 拎完卡落番機. d人行得勁快.前面已經冇晒人. 本來仲諗住跟住人群走添 0_o 不過仲隱約聽到少少人聲. 行快幾步.就見到d人啦; 事隔咁耐. 我已經唔記得點去入境果個位啦. 因為我由始至終都係跟人群行. 一定冇錯架嘛 :$ 排隊入境果陣. 有2個韓國女仔著住韓服指示你排邊度. 第1次親眼見. 佢地既韓服好令呀. 著到好優雅:$:$:$ 入境果陣. 佢問左我叫咩名. 望下部電腦望下我本passport. 就俾左我過關啦 yeah~ 過完關之後. 梗係去拎番自己件行李啦! 當我一路行一路苦惱緊邊度可以睇係咩位拎行李果陣. 一出門就有個牌. 寫住每個航班編號對應既行李帶係咩; 搵到自己航班既行李帶之後. 就可以搭隔離既扶手電梯落去拎行李啦! 等左10幾分鐘. 我既行李終於到啦;) 拖住行李.入去韓國仁川機場既大堂啦!!! 仁川機場真係好大好大:O 本來想慢慢睇慢慢欣賞. 但礙於約左個網上識既女仔1齊食野shopping. 所以唯有盡快搵去住宿既車啦:P 搵之前. 忽然之間諗起.. 我一蚊韓圜都冇.咁點搭車呢:O 因為實在太大.又想慳時間. 所以就問客戶服務邊度有得禁錢; 佢當時講左個英文字母同數字. 我呆左呆. 心諗.你講完點解我都係唔知係邊?! 心入面不停重覆佢講既野. 一邊下意識咁向前行同周圍望. 忽然之間見到出口果度有英文字母同數字.... OH!!!!!! 突然明左. 個ATM就係某度門既附近; 行前多幾步. 就搵到啦; 果度有兩部ATM. 我去左左邊果部禁. 禁左幾次都冇錢嘔出泥... 唯有問隔離岩岩禁完錢既韓國女仔. 佢教左我.我SAY THANKYOU之後. 自己試左一次.. 點解都係唔得既 -_- 結果去左隔離果部禁. 跟住出發前上網睇既韓國ATM教學. 終於禁到啦!!! 果刻差d開心到喊出泥*V* (誇張左..) p.s.ATM果度有得揀語言架. 唔洗驚係韓文唔識睇 :p 禁完錢.就去搭地鐵KTX啦; 開頭俾電梯執邊既箭咀搞到暈暈地. 因為唔知點解我睇箭咀真係麻麻地... 搞到我落多左一層.. 點解冇人既?! 之後又上番一層.終於岩啦 -v- 同香港一樣. 冇八達通唯有去買飛. 買飛既機都有唔同語言可以選擇. 費時睇唔慣中文譯音. 所以我揀番英文; 而家係仁川機場站. 我既住宿係南山.即係明洞站既其中一個出口. 即係我要去明洞站. 好彩出發前係屋企做足功課. 亦都download左個韓國地鐵apps. 佢同香港地鐵app一樣. 揀左起點站同終點站. 佢就會教你係咩站轉車大概搭幾耐幾錢等等; 所以呢.. 我就揀左係首爾站落車good!! btw. 佢有分兩種地鐵. 兩種都係由機場去首爾站. 只不過. 一種就係逐站停.即係我買果種. 價錢會平d.但搭既時間會耐少少; 另一種就係直通車. 即係直接由仁川機場去首爾站. 中間冇站停. 搭既時間會快dd.好似半個鐘. 但價錢好似係貴成倍...:O 睇下你係咪有錢冇地方洗啦XD 俾著我. 我寧願拎呢d錢去買野食野:P 純粹個人意見啦! 搭地鐵果陣. 開左wifi蛋.聯絡左網上識既香港女仔. 就同屋企人報平安講趣事 :) 呢篇就打到呢度. 下禮拜再打住宿篇啦:) 其實仁川機場並唔難明. 佢有好多好明確既指示. 只要跟岩指示. 出發前做足功課就Okay啦 ;) 那麼多如果 可能如果我 可惜沒如果 只剩下結果 可惜沒如果... BY 林俊傑 - 可惜沒如果
