☀ 30TH BLOG ☀ ** 本人現已由韓國回來3星期多. 本文只是記錄回當時的情形 ;) ** 8.29晚. 我已經執定晒所有野. 將kip同袋都擺晒係客廳; 由之前第1次同朋友去旅行. 媽媽就由我自己執kip. 完全唔理我有冇執漏. 因為我都唔鐘意佢理haha 好彩冇試過帶漏野;) 一開頭話要8.29晚到機場訓. 但後來. 媽媽搵到架機場巴士係4a.m.開. 所以就可以係屋企訓陣先去機場xd 3:30am就俾鬧鐘嘈醒左. 爸爸幫我拖kip行去巴士站. 但我地竟然搵唔到係邊haha 要個路過既好心呀叔提我地先搵到. hahaaa thanks :D 過左陣.巴士泥左. 自己搬kip上機場巴士. 終於自己一個人啦 !!!! 搭左應該個幾鐘車. 終於到左機場. 不過差d落錯站. 好在望下其他人先冇落錯 -v- 去到機場. 第1時間梗係要拎最重要既wifi蛋啦; 其實開頭我都唔知係邊拎. 咁好彩行行下. 就俾我見到拎wifi蛋既位置 yeah ! LUCKY ! 是次韓國之旅我選擇左HK express. 所以要行去第二航廈. 唔算太遠.不過拖住個kip真係攰攰地. 萬幸個kip算輕唔多野; 去到櫃台d人已經排緊隊check-in啦. 排左一陣.到我 :S 個小姐問我坐窗邊定近通道果邊. 我窒左窒.答冇所謂. 個小姐都窒左窒.話你揀啦.有得俾你揀. 最後我選擇左坐窗邊. 可以訓下覺睇風景嘛 ;) Check-in完之後. 個小姐俾左張卡我. 話HK express要行去搭列車先轉到去登機果個位; 其實上次去日本. 我都係搭HK express. 但因為果時完全冇留意過係點行過去. 所以... 當佢咁樣同我講完之後. 我就好苦惱.. 點樣去個列車度呢...? 果下好想問人. 但又想靠自己. 所以我就跟住張圖.行番去第一航廈先; 去到之後. 係機場徘徊左10幾分鐘. 最後係離境果個位. 問果個職員.. 搭HK express係咪都係呢個入口入? 個職員不停咁點頭答係呀係呀! p.s.經過呢次. 我永遠都會記得點去搭架列車 :) 入左離境果個位. 過晒所有check護照check袋既位之後. 就去到好多餐廳既果個位啦; 泥到呢度. 我開始有d印象點行... 接落泥. 跟住指示.睇番你張登機證係咩閘口. 就可以輕輕鬆鬆咁去到登機閘口架啦;) 去到閘口. 仲未上得機. 忍唔住坐低左鬆左口氣. 幾驚自己過晒時間都未搵到點泥xd 其實果陣心諗. 就算幾驚好唔知點都好. 我都係得番自己一個人. 要靠自己去解決問題 \ 口 / !!! 過左一陣. 終於可以上機啦; 見到有對情侶排優先登機. 應該係話得佢地兩個排. 其實... 都唔快得去邊 -v- 因為佢地入完去. 唔夠5秒鐘. 我地都可以入得去啦 XD 所以... 搭HK express係咪要買優先登機.. 我覺得.. 睇下你係咪會等唔到果5秒鐘囉 ;) 又或者.. 咁岩我呢次特別快可以登機呢..? 見仁見智 :) 今次坐3人坐位. 我坐窗邊.即係最入面. 咁唔好彩. 我隔離係1個小妹妹同佢媽媽; 佢媽媽好似外國人. 係一個好有禮貌既人. 但呢位小妹妹呢.. -_- 對於小朋友. 大家都會覺得身為巨蟹座既我. 應該會係好有母愛. 但錯了.我發覺自己有1半唔係巨蟹座. 因為我唔鐘意小朋友 =_= 當然乖既小朋友我唔抗拒. 亦都唔會特別鐘意. 不過遇著又百厭又煩又扮晒大人既小朋友. 我就會打從心底好憎... 而飛機上既小妹妹. 就中左前兩樣; 一開頭我聽歌都ok既. 佢煩唔到我就無所謂; 只不過. 佢講野越泥越大聲. 應該差唔多全機人都聽到佢講野. 最後仲要唱歌. 幸好佢媽媽阻止左佢唱歌 -_- 之後佢媽媽叫佢靜d. 佢真係靜.但不停用腳頂前面張櫈. 搞到前面既人不停望泥後面; 後來. 前面果個實在頂唔順. 用左個好惡既眼神望住小妹妹一陣. 小妹妹怕左. 先冇再用腳頂. 但都已經係差唔多到既事泥 -v- btw. 上機冇耐佢會每人派張入境卡. 記住填ar,你入境果陣會收! 好彩email有寫hostel地址 ;) 如果我冇記錯. 香港去韓國應該係飛2個半鐘 (?!). 係韓國既中午12點多. 我就到達左韓國啦; YEAH! WELCOME TO SOUTH KOREA <3 我既一人韓國之旅. 終於係一堆混亂中開始啦 ;) 我拿著世界地圖 尋找幸福 美好的事物總讓人非常滿足 也許偶爾孤獨 在愛情裡迷路 下一站也許是幸福 <3 BY 林逸欣 - 世界地圖
