☀ 29TH BLOG ☀ 成2個禮拜冇打blog啦; 我唔係完全冇理個blog架. 見住由人數4萬幾升到去5萬幾. 唔多唔少都有少少開心既 ;) 去完韓國都有差唔多2個星期. 由韓國番泥到而家. 每日都諗緊點樣打韓國之旅既blog. 但都係諗唔到. 一泥太長.好懶打; 其次亦都係我2個星期冇打blog既原因.. 就係..呢2個星期超級超級忙 :S 除左每日要番工之外. 仲要應朋友既約 :O 因為天氣涼左.朋友知我肯出街. 所以1個接1個既朋友約會都要開始赴. 每個星期日或平日夜晚幾乎都約左朋友; 另外. 遲d會搬屋. 但搬屋果陣我會去左workingholiday而唔係屋企. 新屋企我又會自己1間房. 好多設計上裝修上既野要同屋企人講定. 間房既床架類似既野都要而家睇定先. 所以而家1得閒就同屋企人出街睇傢俬果d; 你地知啦; 每個人都會幻想到自己間房既設計. 加上而家我出泥做野搵錢. 基本上可以自給自足. 裝修間房1定要自己出番大半既錢啦; 不過又要去workingholiday. 所以budget同設計方面我到而家仲研究緊 :'( 為左搬屋既野. 爸爸媽媽而家每個星期日都唔係屋企. 新屋企又係無雷公咁遠. 於是基本上只會係夜晚9點幾10點先見到佢地haha; 無咩特別既. 佢地都習慣左夜晚先搵到我. 連佢地近泥都習慣左我有時消失左唔知去左邊haha; 其實講開搬屋. 我個人覺得幾有趣. 唔計傻傻地唔知自己做緊咩咁拍拖. 好似每1次結束1段認真過既戀情. 冇耐之後我都會搬屋. 計埋今次. 已經係第3次搬屋啦; 每次時間都好似差唔多. 都會係結束後既1年後就搬屋; 所以有時我會好認真咁諗. 係咪即係如果我唔再搬屋. 就代表住我搵到會同我1生1世既果個人呢 ..? 但我又唔想咁快定. 諗到之後要對好耐就會覺得好厭... 不過我諗應該係我諗多左. 兩件事應該唔會有關係既 xd 除左呢2樣.. 仲要開始整workingholiday既野. 差唔多準備要去做身體檢查買機票book房果d. 唉... 一句到尾.又係錢 :'( 話說琴日同屋企人去行一田. 先用左$499泥買去workingholiday既背包炸. 係自己錢泥架 :'( 而家見到有咩都唔捨得買. 連lunch勁肚餓都忍住唔叫外賣. 忍到番屋企先食dinner ... 唉...而家泥講錢真係好重要:'( 話說. 中秋節係前日岩岩過左. 遲來的... 大家 ~ 中秋節快樂呀 <3 但我既中秋節就... 親戚既壓力又湧埋過泥啦 :( 有d大時大節先會見到既親戚未知我會去workingholiday. 只係知道我仲做緊文員. 個個見到我問我做咩仲唔辭職. 因為冇前途; 我答佢地下年就辭. 佢地問我咁你轉做咩工呀.. 因為答佢地去workingholiday會好煩. 當時呀媽又係附近聽住. 我唯有細細聲咁講話未知住. 親戚都未答. 我呀媽聽力忽然勁好.又懶好心咁話... 佢下年去workingholiday呀!!! 唉.. 真係多得我呀媽唔少. 而家差唔多全部親戚都知 -_- 雖然佢地遲早都會知. 但而家知左聖誕新年果陣見到佢地會好煩 :'( 我係好唔鐘意人地理我做緊咩. 咩都管住晒. 但偏偏我既親戚就係咁... 嗯...順其自然啦 -v- 今日星期六. 難得下午可以係屋企唔洗出街. 等我訓番個靚靚午睡先 ;) 今晚爸爸媽媽又去新屋企果邊.. 所以又係好夜先見到佢地 :O 係喎.. 近泥我都仲係煲緊Hemlock Grove. 煲到去Season3啦.差唔多結局. 撇除左恐怖噁心. 佢真係係一套幾好睇既劇泥 good!! 我既韓國旅行應該下星期或者下下星期六日先會打. 希望大家唔會介意. 俾多少少時間我組織下我完左既韓國之旅啦;) 凡人聚與散 於紛擾的世間 何妨聚與散 一切有著時限 情若夢裡的曇花 摘取它極難 何必 著急於擁有他 就滿足偷看一眼 BY 何雁詩 - 夢裡花