☔⚡ 25TH BLOG ☔⚡ 估唔到. 短短既1個禮拜. 看似離我地遙不可及既Pokemon Go. 到左今日. 香港已經有得玩xd Pokemon Go真係令差唔多全香港既人瘋狂haha 我都有玩. 不過冇其他人咁癲. 專登走去公園捉. 所以我而家都係Level 9炸. 都係得閒冇野做先會玩下; 琴日同friend dinner完. 要專登陪朋友去海傍捉精靈. 哇.場景好壯觀. 因為個個都拎住部電話尿袋捉haha 最尾我捉到電話自己熄埋機. 朋友依然仲捉緊 -_- 睇泥. 呢個Pokemon Go都會興一段時間 ;) 轉下話題; 話說. 前幾日女同事同我講有朋友屈佢. 問我俾著我我會點做. 我話咁咪由佢講; 唔係因為我冇同情心先咁講. 係因為我試過同樣既事. 係我中學既時期發生我身上; 好在冇傳到去老師度. 如果唔係好有機會俾人踢出校. 因為屈我既人作故仔都作得好過份. 一半真實一半虛假. 仲要俾我知道左我當時既好朋友有份作; 而家諗番起. 覺得你信我既話自然會信. 唔信既話我點解釋你都會懷疑我. 所以.何必在意太多? 哈哈~ 不過今日呢篇blog重點唔係呢度. 重點係. 今日星期六. 難得我好快做晒d野可以早走. 因為得我有鎖匙. 男同事又有d野未整完遲左走. 結果我要等埋佢先可以走; 搭lift落到地下. 無啦啦勁大雨. 本身今朝天晴熱到喊架嘛:'( 本來諗住細雨d先走. 但心諗應該要好耐之後. 所以我地2條友就開傘走; 點知. 行到一半. 竟然落冰雹. 仲要唔止一兩粒. 係超級超級多.好大粒tim!!!!! 因為第一次見到. 加上危險. 我同男同事係有蓋既停車場停左係度. 欣賞研究左一陣. 見冇咩冰雹落落泥. 我地先敢走. 不過都係超大雨超大風呀!!!!! 有擔傘=冇擔傘 -_- 我只可以話. 番工既地方同屋企簡直去兩個世界:O 番工果度落到條街人影都冇. 反而屋企果度雖然唔係天晴. 但1滴雨都冇.水貨客大陸人多到乜咁 0_o 望住出面個天. 唯有希望唔好打8號風球. 因為會好多人打泥投訴:'( 其實.. 真係唔明白. 8號風球因為危險既關係. 好多人唔洗番工. 我地送貨既司機都要停送貨. 我地都會打俾d客話停止送貨. 點解d人仲可以投訴我地唔送貨? 解釋話因為8號風球. 佢地會話呢d唔係籍口. 同送貨冇關係.要我地照送; 點解而家d人少少同理心都冇. 連站係人地既角度諗都唔識. 淨係顧住自己. 仗住自己係客人就大晒既身份. 就咩道理都可以唔洗講; 真係好憎呢d客人:@ 靜靜雞話俾你地聽. 因為我遲d去workingholiday. 會辭職. 而家公司已經請緊人啦. 大家有興趣可以上勞工處個網留意下;) 係邊間公司我唔方便講. 你地估下撞下啦xd 不過身為老板員工身為2個女同事.呀姐.男同事既朋友. 係呢度我溫馨提示下. 係最初做既時候. 一定會有自己完全唔知自己做緊咩既時候. 如果真係有心想繼續做落去. 最緊要唔好放棄. 有一日你會好似我咁突然明白晒; 其次. 要接受到d客既無理取鬧. 要識點樣有技巧咁答佢地既問題; 第三. 其實係最重要既一樣野. 要好識得自律; 因為當呀姐俾左樣野你做之後. 如果佢冇話急既話. 只要你係當日做得完. 佢唔會理你幾時做點樣做. 總之你要做得完; 之前好多新入泥既同事唔識得自律. 搞到公司好亂. 呀姐老板同事亦都唔鐘意; 總括泥講. 呢間公司夠自由. 但如果要求晉升機會果d. 強烈建議你搵另1間; 雖然我好鐘意呢間公司既同事. 但... 我討厭一成不變既生活; 你不在我身邊 什麼都變得沒有滋味 我不在你周圍 你是否還念著曾聊不完的夜 BY 韋禮安 - 如果再見