☀ 18TH BLOG ☀ 上星期3 (22/6). 係我上調酒班既日子; 本來係冇咩特別. 但新女同事因為有d事而早退左之後. (p.s.其實都唔新.做左差唔多有1年啦haha) 老板既興致唔知係邊走左出泥. 12點幾果陣. 突然行出泥. 問我同女同事1唔1齊同佢地去食午餐. 因為佢地發現左間新餐廳係好好味:p; 同得老板去食. 咁當然係老板俾錢啦. 加上當時我都好肚餓. 諗住問女同事1唔1齊午餐; 老板係呢個時候問. 女同事又話睇我頭. 我梗係話去啦; 於是我地一行五人. 包括我.女同事.呀姐.老板.爆我料既男同事. 就一齊去左新餐廳食午餐; 果個位對我泥講. 其實都幾隱閉下. 平時行過應該唔會留意到; 去到之後. 咁岩有5張空既高櫈. 唔洗排隊. 就俾我地坐左啦; 而我地坐果個位. 就對正煮野食果個位. 可以望住佢即叫即整. 不過佢都有塊玻璃隔住既;) 呢間餐廳好簡單. 餐牌好似得果1張. 可以單叫或者叫餐; 唔包野飲.飲品係另外加錢; 但最好既係唔洗加一; 好少見日本餐廳係唔洗加一架!! 我地揀完之後. 就一次過叫; 叫完就一路吹水一路等野食泥; 等左10分鐘到. 就有得食啦; ☝ SHAN叫既餐:: 海老天丼 $55 ☝ 見唔見到有綠綠地色既野呢? 果個係菜心天婦羅泥架. 好特別.第一次食; 好好味.好清新; 佢層皮唔會話炸得太厚或者太薄. 炸得岩岩好.唔太油; 食完成個飯. 覺得好飽.唔會覺得濟:p 真心推介呢間舖頭!! 不過要去食既話. 就要係食飯時間早d去排隊啦; 我地食緊果陣. 冇記錯應該係下午1點幾. 果陣已經有好多人係出面排隊等位啦; 果度既位唔算多. 所以要食就要預時間排隊啦;) 餐廳資料:: 名稱: 炎天丼 地址: 大埔汀角路29號榮暉花園商場地下6A2舖 營業時間: 11am.-3p.m., 5p.m.-9p.m. 食完lunch. 行番公司.岩岩好2p.m. 做下野聽下電話俾客鬧下. 咁就到放工時間啦; 放工之後. 慢慢行去巴士站. 搭270A去尖沙咀; 因為晚餐好想食韓國野. 但唔知點行去條韓國街. 所以放工果陣問左呀姐. 多謝呀姐既指點;) 我終於識行去啦!!!! 行左好耐. 終於入左去間韓國餐廳:p 間韓國餐廳我唔記得咩名啦.. 但係係厚福街左手邊差唔多最尾尾果度. 呢間有得就咁食野. 或者韓燒:) 我自己一個人. 當然揀就咁食野啦; ☝ 前菜 ☝ 叫任何野食一定會有既前菜:p ☝ 凍柚子茶 ☝ 野食全部都唔包野飲 :( 呢杯係另外叫既. 要$1x . 幾好飲既. 可能我太耐冇飲過柚子茶 xd ☝ 炸醬麵 ☝ 人生第一次食炸醬麵.. 係咪本身炸醬麵係咁.. d醬超級多呀.仲多過d麵 :O 仲有我最討厭既青瓜.. 不過食完係超飽 -_- 食完之後. 差唔多夠鐘上我既調酒堂. 所以就埋單走啦;) 唔知大家仲記唔記得. 第1次上調酒堂既時候. 我就因為遲到呢個原因. 第1個俾呀Sir叫左出去調酒呢:O? 自從咁樣之後. 我就冇再遲到過. 要汲取教訓嘛 :S 係我本身黑仔定點? 我竟然又俾呀Sir點名出去調-_- 唉... 都唔知係咪因為第1堂我就遲到. 呀Sir對我既印象太深刻. 所以冇人自告奮勇出去調既時候. 佢第1個1定會叫我 :S ☝ SHAN親自調既酒:: Blue Mai Tai ☝ 係一杯唔太好飲既酒... 唔係我調得唔好飲呀. 係佢本身就唔太好飲 :P 我發覺. 好多Cocktails隻色雖然係令. 但大多數都係唔太好飲架. 所以大家千祈唔好俾佢地既外表呃左xd 呢一日.. 我依然好似上1堂咁. 上完堂後. 紅著臉頭暈暈地去搭車回家了 :$... 可是你忽然鬆開手了 丟下一句抱歉就走了 那一刻 我心痛了 淚掉下了 BY 林芯儀 - 道聽塗說