☁ 8TH BLOG ☁ 近來唔知係咪患左渴睡症. 亦都可能番工太悶. 加上天氣又焗又熱. 所以番到屋企好早沖完涼就zzzz; 但琴日唔知做咩. 天氣無啦啦好涼. 搞到發燒 :( 好在只係番半日工. 番到屋企訓左成個下午就無事啦:) 去到今日先醒起. 幾個禮拜前食完間餐廳. 唔記得同大家分享; 趁住呢2日半假. 等我同大家分享番先; 話說. 我同親愛既姊姊諗住一齊去蒸身. 其實係第一次. 見好多人推介就諗住去下; 果日咁岩係禮拜五. 一放工就即刻飛奔去銅鑼灣同家姐會合; 本身就好少出銅鑼灣. 所以搵路都搵左段時間; 間野話先到先得.冇得預約. 去到之後好多人坐係度. 問左問如果要蒸既話要等1個半鐘; 要等太耐啦.. 所以就諗住遲d得閒再泥過; 之後諗住去食布甸狗cafe. 應該太晏去到. 個牌寫住布甸狗杯送晒 :'( 唯有都係遲d泥.. 等我仲專登帶相機諗住影布甸狗 :'( 本身想做既野又冇做到. 同家姐一樣都好肚餓. 所以就係度openrice食咩好; 結果. 就俾我openrice到呢間野 - 小甜谷; 家姐後來問我點解會搵到呢間野. 可能我思想比較古怪. 其實我覺得果刻純粹因為佢個名吸引到我. 我先想去炸xd 因為間野係附近. 家姐又知我係會因為食物個賣相唔令就唔食既人. 所以佢搵都冇搵過. 就信我.同我去左小甜谷; 去到之後.都係要排隊. 但見到條隊都郁得幾快. 所以就一齊排; 排左大概15分鐘. 就入左去坐低; 睇左餐牌冇耐. 我地就決定食咩; 一開始.就係上左飲品先; ⇧ 家姐叫既 - 鮮榨神奇菠蘿汁 ⇧ ⇧ 鮮榨神奇菠蘿汁既內裡 ⇧ 其實一開始. 都見到其他人叫. 但諗住入面應該得好少同得個樣. 所以就叫左兩杯野飲; 點知佢一泥到. 原來真係去到底. 一個人真係飲唔晒; 不過真係好飲; 推介 :) 之後到我既野飲:: ⇧ 普通既冰果茶一杯 ⇧ 其實冇特別.只係普通茶一杯; 跟係就係正餐啦:: ⇧ 香草松子大菇蕃茄忌廉汁扁意大利麵 ⇧ 唔好睇呢碟野咁少. 我開頭都俾佢呃左. 其實食落去好飽架; 尤其是係d菇. 又厚又大舊. 食到最尾我都冇食晒d菇. 不過真係好味架; ⇧ 香草白酒鮮蜆扁意大利麵 ⇧ 相比起岩岩果碟. 呢蝶既味道清淡d. 冇咁濃味. 所以我都係比較鐘意食呢碟多d ; 食到差唔多. 係時候上甜品啦; ⇧ 宇治抹茶芭菲 ⇧ 其實一開始唔想食芭菲架. 我同家姐揀甜品揀左勁耐. 最後我用刪除法揀淨2個窩夫既甜品. 等家姐揀是但一個; 點知呢個人竟然話:: 俾佢揀既話佢會揀宇治抹茶芭菲 -_- 唉. 咁佢都咁講.我唯有贊成啦-_- 至於對呢個芭菲既評語. 我唔係專家. 食唔出有咩特別. 只可以講同其他地方既芭菲既味道一樣; 其實係呢度. 已經係一個set泥架啦. 午餐我唔知. 但晚餐既話. 只要叫dinner menu入面既任何1樣野食. 再加$45. 就可以有1杯野飲. (只包括咖啡茶.紅茶.冰果茶) 同埋3樣小甜品或者芭菲; 唔好唔記得. 佢地仲要加一. 其實呢間野又唔算貴. 野食都唔算差. 排隊唔算耐. 大家得閒既話可以去試一試;) 餐廳名稱: 小甜谷 地址: 銅鑼灣 謝斐道482號 信諾環球保險中心地下 4-6號舖 回頭就算認錯 還好錯得很對; 吳雨霏 - 人非草木
