☼ 6TH BLOG ☼ 原來有咁多日冇打:O 番工實在太攰啦; 其實冇野做係仲攰zzzz 講番呢度先; 話明補充篇.. 梗係要講d上1篇冇講到既野:) 首先. 當然要講番HelloKitty手信啦! 因為家姐成個禮拜都未番泥,, 所以我實在忍唔住啦,, 終於係前幾日就幫佢開張左; ⇧ HelloKittyObrigado: 12pieces Cookies 盒裝 ⇧ 係咪好令呢:D 雖然我唔係無嘴貓既忠實粉絲.. 但都未至於憎佢; 個盒好高貴好有貴族feel xd ⇧ HelloKittyObrigado: Cookies Flavors ⇧ 呢個就係佢既曲奇既全部味道; 嘻嘻; 老實果句.張紙我都覺好令; 係果度. 你買果陣就會有張咁既紙俾你睇.. 睇下你要買咩味; 我就買左 MOP$108 / 12pieces; (其實我係睇番上1篇先記得xd) 如果唔想買咁多塊既話.. 1塊1塊咁買都得.. 但幾多蚊1塊我就忘記左啦! 開頭佢好似有MOP$7x唔知幾多塊.. 到我前1個買既時候.. 就聽到冇左; 得番散買或者MOP$108/12pieces ; 買果陣就諗緊佢d色差唔多. 薄荷味同綠茶味隻色好似1樣. 我番到去咪要每隻都食先知佢叫咩味?! 好在.. 原來佢每塊曲奇既膠袋後面. 都會寫住佢係咩味. 等我仲白擔心左一場 ;) 俾個好小既TIPS你:: 大家出發前. 如果有興趣想買佢既曲奇既話. 不妨可以諗定要咩味先; 費時去到先慢慢諗; 呢間舗除左有曲奇賣之外. 仲有馬卡龍&飲品; 見到都有d人買馬卡龍. 不過大部份都買曲奇; 除左曲奇之外. 其他野既價錢冇咩點留意. 亦都冇影低; 所以提供唔到參考俾大家; 唔好意思:( 其實間舗話大又唔算大.. 係長但窄.. 所以唔係企得好多人; 而間舗既實際位置. 因為隔太耐所以唔係好記得啦; 只係. 記得係議事亭前地. 不過係左手邊; 果陣我地係行行下.. 見到有個職員拎住個指示牌企左係度.. 我地先知原來間野係果度:O 但係咪日日都有人咁拎住個牌棟係度. 我就唔知啦;; 只可以話間舗係條巷仔入面; 一塊曲奇大概有我手掌咁大; 都算大架啦!! 佢d味好特別.. 又唔算特別濃.接受到ok既. 唔係特別好味; 個人認為買1次已經足夠. 貪新鮮影下相試下新野就好. 或者當手信都係唔錯既選擇. 反正個盒同個樣唔會失禮都去邊; 但絕對唔值得浪費錢去買第2次. 除非你係HelloKitty迷 ;) 其次.講完HelloKitty手信. 就係關於搭船啦;) 開頭我地真係1張白紙. 咩都唔知頭唔知路; 係等候室等船既時侯. 每到上船既時間. 就有個職員係度叫no. ; 開頭我地唔知佢地叫咩no. .. d no.又係咩泥. 等佢地叫多幾次.. 八卦下偷聽人地講野先知.. 原來係候補no.泥; 咩係候補no.呢? 例如.. 你買左張船票係9:30p.m.. 但你4p.m.已經到左碼頭. 又唔想等咁耐. 就可以做候補飛. 如果4:30p.m.班船有空位既話. 你就可以搭4:30p.m.果班船走; 但如果1路等. 等到自己買果班船要開果陣都未有空位既話. 你都可以搭番自己買既果班船走; 但點樣做候補飛我就唔知; 我諗應該都係買飛果陣. 同d職員講掛; 現場都有人賣黃牛飛.. 又有個男人係度叫話另1邊有第2間船公司既飛賣.. 但我地費時博. 所以都係買番噴射飛航; 其他信唔信得過我就唔清楚. 但個人認為. 始終買番大公司好d.比較有信心;) 澳門之旅既補充篇泥到呢度. 我都諗唔到仲有咩未講; 希望你地既澳門之旅開心啦:) p.s. 澳門既巴士食肆舗頭都收港幣架. 因為全部都係1:1 . 我假裝過去不重要. 卻發現自己忘不掉.. BY 周杰倫-說了再見
