☂ 5TH BLOG ☂ 我終於番泥啦!! 唔知係咪因為澳門同香港好類似.. 收既錢又可以收港幣.. 所以感覺上好似同係香港冇分別; 不過.. 可以離開香港已經算好好:) 2015.03.25(Fri.) 出發啦 ; 好興奮!! 由第1刻已經知道我地呢次係HEA旅 xd 1點幾去到上環.. 點知最早果班都要3:35p.m. :O 離開仲有1段時間.. 唯有周圍行下; 最尾去左1間叫Deli-O既餐廳食lunch :p 等等等.. 終於到3:35p..m,, 過埋關就可以上船; d位都幾舒服; 係個幾鐘之後.. 我地就到左澳門啦; 到左澳門..行李好重.. 就即刻搭的士去我地係agoda book既皇都酒店; 酒店唔算特別大. 兩張單人床; 都算乾淨 .. 但竟然冇水吧:O!! 擺低d行李之後.. 就跟住Google Map行左去大三巴搵野食; p.s.Google Map係呢幾日幫左我地超多!! :D 真係好壯觀呀!!! 興奮左1陣之後.. 就繼續行落去搵野食; 行行下.. 我朋友見到賣胡椒餅就開心到傻左咁.. 就買左1個2份食; 熱辣辣 !! 好好味呀 ;) 再行多陣.. 途中見到勁多間鉅記.英記餅家.咀香園 @@ 沿路差唔多每間都賣肉乾.. 陣香味真係超香;但又貴.. 所以就即刻去左食晚餐 - 蕃茄屋:p 本身冇咩特別話想食呢間.. 但行過.咁岩好肚餓.又有人派宣傳單張; 所以就決定呢間啦:p 不過都好多人排隊.. 等左大概15mins就到我地啦! 第1次飲 ⇧ 澳門既汽水 ⇧ :O 好新奇xd 呢個係熱情果味.好味! ⇧ 葡式咖哩崩沙牛腩配豬仔包 ⇧ :) 10級推介!!! 話係呢間既招牌.果然冇錯!!! 咖哩超好味.牛腩好淋.豬仔包好軟好好食:p ⇧ 木糠布甸 ⇧ 布甸好彈好正! 好香奶味:) 食完之後行多陣.. 就諗住番酒店前食甜品:) 去左好多人推薦既義順牛奶食雙皮奶; ⇧ 我: 紅豆雙皮奶 MOP 33 ⇧ & ⇧ 我朋友: 凍雙皮奶 MOP 30⇧ 本人唔太推介紅豆雙皮奶.. 因為食落去只會食到紅豆味.. 差唔多蓋過左雙皮奶陣味; 而我朋友既傳統雙皮奶.. 試左1啖.. 我認為冇傳說中咁好味.. 因為奶味太過重..重到有d想嘔.. 反而香港果間仲好食; 或者因為我地岩岩食完晚餐冇耐.. 所以先覺得麻麻; 大家想朝聖下既話就可以去下.. 係議事亭前地.Bossini既右手邊既巷仔度; 有上下兩層..都幾顯眼; 食完之後大概9點.. 就行左15分鐘番去酒店 :) 攰..zzz 2015.03.26(Sat.) 訓到11點幾終於捨得起身.. 沖埋涼hea多陣就出發! 呢日既行程係去氹仔; 本身以為澳門半島去氹仔會好遠.. 點知我地搭22號巴士大概半個鐘就到啦! 仲可以係官也街落車❤ 一落車.. 就向前直行搵野食:p 本身係有目標想食喜蓮餐廳.. 但過左冇落到車離太遠.. 結果亂行1通下去左大利來餐廳; p.s. 澳門好多建築都係粉色撞白色; ✦好令✦ 各自叫左碗 ⇧ 豬排米 ⇧ 同 ⇧ 豬排麵 ⇧; 我唔係食評家.. 所以覺得冇咩特別; 食完再行多陣.. 其實個人認為官也街冇咩行.. 野食泥泥去去都係果d; 但如果話多野食既話.. 可能唔熟澳門.. 我覺得氹仔既官也街多野食過大三巴; 小食店多過大三巴; 行到5點幾.. 我地就係氹仔買左小食番酒店:p - 小食 - 1. 大利來記豬排多士: 我諗本身應該好食;但氹仔離酒店有段距離.所以就淋左 :( p.s.大利來記豬排包每日新鮮出爐時間係2:00p.m.,我地遲左去買.就得番豬排多士同豬排菠蘿包@@ 要買豬排包既朋友.記得預好時間去買啦;) 2. 魷魚鬚: 同大利來記係同1條街..叫日本之xxx :O 忘記了.. 仲有得賣小丸子.雞排.飲品既小食; 3. 葡撻: 係普通麵包舖度買.個人認為好味.唔差得過d出名店舖 ;) 印象中好似MOP8 小食過後..係酒店睇左陣HBO.. 咁岩播Furious7; 第1次睇.正!! 之後又訓左陣覺.. 到11點.覺得有d想食野. 就同朋友行左去新口岸果邊食宵夜:p 見到新葡京酒店.真係好令! 不過果面d光污染真係好勁.. 間間賭場都著霓虹燈.超燦眼@@ 但真係壯觀既; p.s.個人認為果度有d雜.最好唔好自己1個人夜晚去 ;) 兜左1個round. 我朋友買到佢心水-酸辣粉 :) 雖然我唔鐘意食.但佢個餐牌有好多種配搭. 其實值得1試; 番香港時我朋友仲回味緊 :p 而我諗唔到食咩.就買左碗豆漿湯圓; 以為湯圓入面會係豆漿. 原來根本將豆漿當湯圓水;湯圓依然係芝麻湯圓 @@ 被騙了 :'( 食完之後. 咁岩HBO播對面的男孩殺過來; 1路以泥好想睇.結果睇到4點先訓; 有d失望.. 冇想像中好睇同咁刺激.. 完全唔推薦睇; 2015.03.27(Sun,) 又係訓到11點幾起身; 其實道理上我地要12點checkout.. 但琴晚我地問左reception. 我地可以1點先checkout. 結果hea多陣就執埋d野checkout ;) checkout之後.. 我地暫時擺左d行李寄存係酒店.. 就出左去食lunch; 我地間酒店.. 一穿過公園再落1條街. 就係禮記雪糕啦 xd 咁多人介紹.當然要去試下啦! 我: ⇧ 黑白雪糕新地 MOP24⇧ 俾個名吸引左..以為有咩特別.. 原來黑係朱古力醬.白係cream @@ 我朋友: ⇧ 雪糕三文治 MOP17 ⇧ 應該最出名係呢個.. 我冇食到.但我朋友話唔差 ;) 可以去試試!! 甜品過後.. 係時候食番d正餐xd 附近冇咩野食.. 唯有又去番大三巴.. 順便食完之後買手信;) 今次午餐目標係勝利茶餐廳:O 好多人呀:O 好快有位..等左大概5分鐘; 我地同1個澳門既伯伯搭枱; 正當我地思考緊食咩果陣.. 伯伯話佢地既海鮮飯好掂.. 叫我地可以試下; 我地又諗唔到.就聽左伯伯既建議. 叫左個海鮮飯&著名既豬排包 ;) ⇧ 芝士菠蘿焗海鮮飯 ⇧ 個人建議除非餓鬼出遊先好1個人食. 如果唔係最好搵人share; 好味就係好味.. 但因為芝士其實好流.. 飯又多.. 我同朋友食左好耐先勉強淨番少少 @@ ⇧ 勝利茶餐廳 - 豬排包 ⇧ 當然係同朋友share.. 每人半個啦; 包好軟熟.豬排又脆. 好味yummy :p 食飽飽.. 朋友就陪我去買手信;) 1開始就好想買草莓乾果d.. 好似幾好味咁; 所以就去左鉅記買草莓乾.. 每磅MOP 38.. 冇得試架 :( 好在唔會太甜.幾好味! 之後又去左咀香園買鳳梨乾&水蜜桃乾; 而朋友已經買完.. 所以就準備番酒店lu; 回程既時候.. 咁岩經過HelloKitty手信店.. 諗起親愛既姐姐好鐘意HelloKitty.. 就買左HelloKitty曲奇餅; 有好多種味架.. MOP $108/ 12pieces ; 圖片容我後補.要等姐姐番泥親手拆 xd ⇧ 澳門HelloKitty手信店: Hello Kitty Obrigado ⇧ 個袋好鬼死令 xd 買完之後就直接番酒店; 酒店有shuttlebus . 可以直接去外港碼頭; 酒店有塊版show時刻表.. 本身諗住影低去. 有個酒店既人好好.. 俾張呢張咭我 :$ 番到酒店休息1陣.. 就上左shuttlebus去碼頭啦! 車程大概15-20分鐘..好快!! 去到碼頭..諗住都係買普通位.. 由澳門去香港上環; 點知最快果班得23:50p.m. :O!!! 但我地果陣先17:15p.m.!!!! 就連去九龍或者屯門既普通位都冇.. 得番豪華位或者尊貴位; 豪華位$3xx . 尊貴位$4xx. 無奈之下唯有買豪華位.. 唉:'( 俾大家1個建議:: 買船飛果陣.記住買埋返泥果程. 如果唔係就有機會淪落到我呢個地步. 付出雙倍既價錢去坐個幾鐘既船:'( 一開始覺得豪華位同普通位冇咩特別.. 差別只係個位闊落左d; 開船無耐.. 先知原來有免費既野食同飲品:p 諗諗下都唔錯既.. 想免費食餐類似飛機餐既朋友.. 不妨買下張豪華位 ;) 食完訓多陣覺.. 就到左香港既外港碼頭:) 搭上巴士差唔多1個鐘就到.. 同朋友分別.就番屋企啦 ;) 今次既澳門之旅.. 唔知係咪因為都係用港幣.. 用既語言又係廣東話.. 感覺上好似同香港差唔多; 點都好.. 都係果句..有旅行好過冇 ;) 呢幾日3.4點先訓.. 好攰.今晚早d訓; 聽日再介紹下HelloKitty曲奇餅:) 晚安 GoodNight ☽☽;; 然而誰明白我 沒你們所想的堅壯; 我很想找個人 對我說別怯慌; BY 許志安 - 一步一生
