今日特登過九龍城買海味，仲買咗啲參茶，所以就順便呢頭食埋晚飯，未夠晚上六點的時間人流唔多，好在呢度唔使訂位，一坐低冇幾耐就落大雨。點擊圖片放大 +3 見到這裏有難得一吃的開胃涼拌魚皮$58，超鍾意食魚皮嘅我立刻叫咗一碟😍估唔到呢個價錢有咁大碟魚皮，真係好抵食！配以青瓜黃辣椒等，食落完全唔會覺得腥，半生熟的切條魚片口感非常之爽口彈牙，辣辣的又好惹味，同炸魚皮嘅感覺好唔同，我自己覺得好味好多添！我們還叫左干鍋田雞$158同干鍋肥腸$108，呢兩款又係出邊好少見，算係較有特色嘅食物。干鍋田雞偏向麻辣味，愛吃麻辣的人必定鍾意！麻辣剛剛好，夠味又不會太誇張， 正好將本身冇乜肉味嘅田雞點綴一番。田雞腿夠晒肥美可口，切細件亦都好容易食，而且掛滿晒麻辣汁，食得夠晒過癮！干鍋肥腸個人心水推介👍我見其他食客都有嗌就試吓，原來真係會一試愛上！大大碟用嚟送啤酒真係一流！大腸小腸都切到個size剛好一口食到，炸到到個外皮趣卜卜，肥腸火候控制剛剛力，一路炒仲一路聽到拋鑊聲，夠晒火氣，食起嚟仲好Q彈，唔怪得知枱枱都有佢，應該係招牌菜🧐點擊圖片放大 +4 主食方面叫咗半隻樟茶鴨$98，第一次食樟茶鴨，看見那粉紅色的鴨肉就非常之心動，嫩嫩的口感令人一試難忘，我覺得好味過燒味好多囉！鴨肉還隱隱透出茶香，所以就算食多幾件都唔會覺得滯，就咁食已經好好味好夠味。如果點醬汁仲有幾分片皮鴨feel潻！
