【Miss Tiara x KC Korea x Bay Bay Garden保鮮花工作坊】 去開尖沙咀page one嘅朋友都知裡面行上一層會有一間專賣顏色好靚保鮮花嘅花店，由於保鮮花經保鮮處理，可存放兩至三年，所以價錢當然比得上每日買一支。最吸引人眼球應該就係其中一種保鮮花有曬七彩彩虹色，次次經過都唔捨得買，唯有等人送啦 :lol: [gallery ids="2381355"] (圖片來源: Moss McBlack Facebook) 保鮮花就未等到，反而等到來自Miss Tiara嘅電話話我知，之前報名參加嘅保鮮花工作坊有我份，係咁沈悶嘅返工時候接到依個電話，真係好鼓舞同好滾動！ 保鮮花工作坊舉行嘅地點位於觀塘泓富廣場KC Mall 概念旗艦店，原來KC Mall 概念旗艦店唔單止有韓國化妝品、護膚品、零食等等，旁邊仲有個位係cafe，好多line公仔陪你食野，野食唔錯又平，感覺相當舒適，係觀塘返工嘅朋友留意喇！ 點擊圖片放大 +3 教我地個老師叫做比比，依d係佢製成品，一見到就有心動感覺！ 今次Miss Tiara舉辦嘅工作坊，主要係整一個屬於我地嘅保鮮花裝飾為主，過程中都叫簡單易明，最難嘅應該就係揀保鮮花顏色同揀旁邊嘅繍球花點襯，大家估唔估到我揀咩色呢！ 點擊圖片放大 答案就係粉紅色，貪佢搶眼得黎又夠girly，放係公司/屋企都增加左唔少浪漫氣息 :-P
