「第一次plan行程係幾時？」 話說揾番第一次自己plan行程嘅旅行相，已經係2016年嘅8月。去咗首爾五日，透過旅行社訂機票酒店，中間仲有兩日join咗韓國星程旅遊一日遊，去咗啲遊客景點。 ➳ Day 2 TMark酒店(忠武路站) → 芝士炸豬扒(酒店附近) → 廣藏市場(鍾路五街站) → 香蕉Store(東大門歷史文化公園站站) → 胡同冷麵(金湖站) →明洞大街(明洞站) 偶遇芝士炸豬扒 瞓醒落街喺酒店附近行下揾野食，發現呢間價位正常，大概7000-10000won嘅마포만두。 登登~ 午餐Starts！ 마포만두 地址：Seoul, Jung-gu, Chungmuro 3(sam)-ga 電話：2268-9842 交通路線﹕忠武路站6號出口，直行3-5分鐘轉左 傳統市場之一−−廣藏市場 有唔少電視台都喺度拍過節目，思家姐係韓國綜藝節目嘅忠實Fans，特別係SBS《Running Man》，所以都慕名尼到廣藏市場。 一入到市場就會見到好長嘅路，成個市場結構類似個⌈十⌋字或者⌈米⌋字，乾貨、醃製醬料、傳統小食等等，甚至好多人買嘅被都有得賣~ 麻藥紫菜包飯(마약김밥)，就咁睇個banner可以見到MBC(左)、 SBS《Running Man》Ep186(右)都有尼過！1500won/盒，8小條，陣麻油味的確令看似平凡嘅紫菜包飯增色不少！值得一試，思家姐仲另外買咗兩盒番酒店。 另一《Running Man》打卡點順熙家綠豆煎餅(순희네빈대떡)。 綠豆豬肉煎餅，4000won/份↓ 偏油膩，思家姐同PX媽都麻麻地呢個。 呢個係思家姐最鍾意嘅韓國傳統飲品−−甜米釀 ❣ ※《Running Man》Ep71都有尼過，不過主要集中喺乾貨區活動~ 【廣藏市場】 營業時間﹕07:00-22:00(市場)；09:30-21:00(美食街)；周日休息 (夏季隨店主自行安排) 交通路線﹕鍾路五街站9號出口 以上~ Day2下半部份整理中！
